KAYTAKU KUGABUTAKU KA PAWLU AŊIICUM BE BATA GRÎSIYA YATA
TESALOONIKA
Hûcukumahu hata kayta'uke
Kayta'uke, kaytaku kugabutaku ka Pawlu aŋiicum oo baŋiice ban kaaku kûtiyaaraku. Nownu bukanaku koo ma kûlandeelum mata bûlaañabu bata Kristu. Mata nownu bûynenaabu koo di hûlaamahu mata kâynenaku katayiil, bukaaku di kunong di kaan hukahu hata Ata Emit hûriiŋe ban. Ña Pawlu naŋiic ma aali aaneniil di hûlaamahu, nâyis poop kaan Jesus aatubi âkayil ii be na mbi bukanaku kubet kâynenaku katayiil ka kûynemmi Emitay, naamom na mbi âlhapitaaw akay ki aleeho di eluupay yata Emitay ma âyis kaan oo agam Emitay, ban nalobiil poop joon mata buhelekenaabu, ma alobiil non ma alobeeniim ban di kaan: “Anaw alatum bugoroorabu, mumulet poop bi ari.”
Ban nâwuñenum ko di baŋiicerabu batawool ma aceceniil ma keetuba kubuntenumi di kayit kakeel kagawutum kalhegenumaayaku (2 Tes 2:2).