KAYTAKU KA PAWLU AŊIICUM BE BATA GRÎSIYA YATA
PHILIPUS
Hûcukumahu hata kayta'uke
Kayta'uke Pawlu aŋiicukom oo di ekullhay yata Rooma, na ujaañaw ugam ûriiŋe kîyaku kuhaaji di ugaba (62), be mante na ujaañaw uwu uhulhum. Moo, upisenaa'jaa kayta'uke mbi unamulenaal mata jâkinooraju ja Pawlu, di bûynenaabu bata Philipus kûkinoorum. Pawlu ya acookoor ûngungaw ma ya anoom ma aali abaj bancaamabu, be bûynenaabu bata Philipus ya kuboñool opherta (Phip 4:15-16; 2 Kôr 11:9). Di kuboñ âynenaaw aahu ata di buko aaneyim Epaphroditu be Rooma ma akay di opherta ki awulool (Phip 2:25-30).
Êgrisiyaay yata Philipus, di bantaabu bata Masedoniya yemmi, di karebaku kata ba jaley âlowumem di kajimaku kata Greesiya, yoo egam êgrisiyaay yâtiyaaray ya Pawlu âcukum di bantaabu bata Eroopa. Di kaytaku kata bagawerabu di kapitulu yagasom 16 upisenaa'yo jaa, mbi ûmiraal wahaw wagabom, non ma buko di Siilas kumoom di ekullhay, be di kuyeeŋ ma ya kusal Emitay.