Olwaandiko Lwa
Yakobo
Obweébeembezi
Olwaandiko óolu lukaandikwa na Yakobo. Yakobo akaba ali omulúmuna wa Yeézu. Akakumuuka bwooli omu baheémba ba Yeézu, habwo kuba akaba ali omweébeembezi we ekelezia ya Yeruzaléemu. Yakobo akaandika olwaandiko óolu aha baheémba ba Yeézu abe Echiyahudi, abaabele basaambeele omuunsi bunaanka bunaanka.
Omu lwaandiko óolu, Yakobo naayegesa Abakristu nka nikwo, bakulaatile amasala ga Múungu. Kaandi, baánge butúnu amasala áago agalikuluga ahi Izimu Elikúlu (3:13-18). Yakobo naasohoza emigani miinzi ya amasala ga Múungu na amasala áago agalikuluga ahi Izimu Elikúlu. Naayegesa nka nikwo okwiikiliza kwa mazima tí chiintu cha amagaambo kwoónka, náho ni lwaampaka ebikolwa nabyo bisiinze. Kumwiíkiliza Yeézu otéena kusohoza ebikolwa bilikumusiinza no okweéheehwa busa (2:14-26).