མར་ཀུའི་ འབྲི་ཛེད་ཀ་ནེ་ ནེ་ཚུལ་ ཟང་པོ་།
མར་ཀུའི་ སྤེ་ཆེ་ ཧོར་།
འི་ སྤེ་ཆེ་ན་ འི་ སྤེ་ཆ་ འབྲི་ཧན་འབེ་ ཧོར་ལ་ ཅང་ འབྲི་རྡེ་ མེད་རྡེ་ ནོག་, འིན་ན་ ངུལ་མེ་ ཆོའེ་ཚོག་རྒེ་ འུ་རྐྱོང་རྒུ་ནི་ འབྲི་ཧན་རྒུན་ རྒྱུད་ཏེ་ འི་ སྤེ་ཆ་ འབྲི་ཀན་ ཡོ་ཧཱ་ནན་ མར་ཀུའི་ འིན་ཀན་འབོ་ རྒྱུའི་ ཆ་ནོག་། ཁོའེ་ ཧོར་ལ་ མ་ཤི་ཀེ་ ཧུ་ཚབ་རྒུ་ནི་ ཆག་ལེ་ སྤེ་ཆེ་ 12:12, 25; 15:37 ནི་ འབྲི་ ཛེད་རྡེ་ ཡོད་ཏེ་ ནོག་། མར་ཀུའི་ པི་ཏྲ་རེ་ ཁྲོ་པ་ མ་ ཉེ་མོ་ཞིག་ འིན་འབེན་, ཡང་ ཁོ་ པི་ཏྲ་རེ་ ཏེ་ཏུའི་ མ་ཤི་ཀ་པ་རྒུན་ལ་ ལབ་ཞ་ མང་པོ་ སལ་ཧན་རྒུན་ རྒྱུད་ཏེ་ ཙོབོ་རྡེ་ མོལ་ཧན་ འདང་ ཆག་ལེ་ ཚང་མེ་ ཧོར་ལ་ ཚོར་། ཚོར་རྡེ་ ལྟིང་ནི་, ཁོའེ་ ཏེ་ ཚང་མ་ ཚིར་ ནང་ཞིན་ འབྲི་ ཛེད་, ཀའོ་ ཨ་ཧོ་རྒུན་ལ་ ཏག་ས་ མར་ཀུའི་ འབྲི་ཛེད་ཀ་ནེ་ ནེ་ཚུལ་ ཟང་པོ་ནི་ ཐོབ་རྦེ་ནོག་།
ཆོའེ་ལ་ ཁེ་སྤ་ མང་ཆེ་ འི་ སྤེ་ཆའོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཅུཔ་རྡུན་ འདང་ ཉི་ཤུ་སེབ་རྡུན་ནེ་ ཉེ་ཁོར་ལ་ འབྲི་ ཛེད་ཀན་འབོ་ལ་ ཁ་ཆམ་འདེ་ ནོག་། རོམ་མེ་ རྒྱ་སྤོ་ ནི་རོའེ་ ཏེཏ་པ་ཅན་རྒུན་ལ་ ནག་པར་རྡོ་ འགོ་ཟུག་རྒེ་སང་ ངུལ་ལ་ མར་ཀུའི་ འི་ ཆག་འབྲི་རྦོ་ ཁོང་ རོམ་མེ་ རྒྱལ་སེ་ན་ ཡོད་ཟ་ནི་, ཏུ་རུ་ འདེད་ཀན་ ཡ་ཧུ་འདཱ་པ་ མན་ཀན་ ཏེཏ་པ་ཅེན་རྒུ་ནི་ཕི་ འབྲི་ ཛེད་།
འི་ ཆག་འབྲི་ འབྲི་ཅེ་ རྒྱུ་ཚན་རྒུ་ནི་:
ཏང་པོ་, ཏེཏ་པ་ ཅོ་ཀན་ འདང་ མ་ཅོ་ཀན་ ཉ་ཧེ་ ཉིང་ངེ་ན་ ཡི་ཤུ་ ཀོན་འཇོག་རྒེ་ སྲེ་ འིན་ཀན་འབོ་ ནེན་ཏེན་ ཅོ་ཅུག་ཅེའོ་ ནོག་།
ཉི་སྤ་, མ་ཤི་ཀ་པ་རྒུན་ལ་ རྡུ་ངལ་ ཆ་ཅེ་ཕི་ ཀྲལ་འགྲིག་ ཅོ་ཅེ་ ཀ་ཟུག་ ཡི་ཤུའི་ ཁོང་ འགྲུལ་ལེ་ ཛེད་ཀ་ནེ་ ལམ་མེ་ཀ་ འགྲུལ་ཧན་རྒུན་ལ་ རྡུ་ངལ་ ཐོང་ངེན་ མོལ་རྡེ་ ལེན་ མང་པོ་ ལབ་རྦེ་ ཛེད་།
སུམ་པ་, ཡི་ཤུ་ མ་ཤི་ཀ་ ཀོན་འཇོག་རྒེ་ སྲེ་ འིན་ནེ་ནྃ་, འི་ འཇིག་རྟེན་ནེ་ཀ་ ཞབ་རྟོག་ ནེན་ཅེ་ལ་ མ་ནོག་, ཞབ་རྟོག་ ཞུ་ལ་ རྐྱོད་།
ཞི་པ་, ཡི་ཤུའི་ ཞབ་རྟོག་རྒེ་ ཆག་ལེ་རྦོ་, མི་རྒུན་ རྡིག་པེ་ཀ་ནི་ རྐྱོབ་ཅེའོ་ འིན་འབེན་།
ང་པ་, ཡི་ཤུའི་ ཆག་ལེ་རྒུ་ནི་ ཁོང་ ཅི་ཚང་མེ་, ཡང་ནི་ འི་ འཇིག་རྟེན་, སེམ་ཡིད་རྡེ་ འཇིག་རྟེན་, ནམ་ལ་, ཟུར་མོ་རྒུན་ འདང་ ཤི་ཅེ་རྒུ་ནེ་ ཙོབོ་ རྡང་ སྤོན་འབོ་ འིན་ཀན་འབོ་ ལྟན་ནེ་ནོག་༎