མཏ་ཐེ་ འབྲི་ཛེད་ཀ་ནེ་ ནེ་ཚུལ་ ཟང་པོ་།
མཏ་ཐེ་ སྤེ་ཆེ་ ཧོར་།
འགོ་མེ་ ཆོའེ་ཚོག་རྒེ་ འུ་རྐྱོང་རྒུ་ནི་, འི་ སྤེ་ཆའོ་ ཙོབོ་ ཡི་ཤུའི་ ཧུ་ཚབ་ ཅུག་ཉི་ ནང་ནི་ ཅིག་, མཏ་ཐེ་ འབྲི་རྡེ་ འིན་ཀན་འབེ་ སྤང་པོ་ ཏང་ངེ་ནོག་། མཏ་ཐེ་ ཁྲལ་ནེན་ཀན་ཞིག་ འིན་འབེན་, ཡི་ཤུའི་ ཏུའི་ལ་ ཁོ་ ཨིས་ར་ཡེལ་ལེ་ན་ ཡོད་པེན་, ཀ་འབོ་ལ་ ཡི་ཤུའི་ ངེ་ རྒྱབ་ནི་ འགྲྃ་རྡེ་ ངེ་ ཧུ་ཚབ་རྒུ་ནི་ ནང་ནི་ ཅིག་ འགྱུར་ མོལ་།
འི་ སྤེ་ཆ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཅུཔ་ཏུན་ ནེ་ ཉེ་ཁོར་ལ་ འབྲི་ཛེད་ཏེ་ ནོག་། འི་ སྤེ་ཆའོ་ མཏ་ཐེ་ ཁག་ཅེན་ ཅོའེ་རྡེ་ མང་ཆེ་ ཡ་ཧུ་འདཱ་པ་, ཏེ་ནི་ ཡ་ཧུ་འདཱ་པེ་ ཆོའེ་ ཤེ་ཧན་ནེ་ ཡ་ཧུ་འདཱ་པ་ མན་ཀན་རྒུ་ནི་ཕི་ འབྲི་ཛེད་ཏེ་ འིན་ཀན་འབོ་ སལ་སྤོ་ ཧ་ཀོ་ནོག་།
མཏ་ཐེ་ འདོད་པ་རྦོ་, སུང་རབ་ ཉིང་པེ་ན་ ཀོན་འཇོག་རྒེ་ མ་ཤི་ཀ་, རྐྱབ་འགོན་ འདང་ རྒྱ་སྤོ་ རྐྱོད་ཅེ་ ལུང་རྟན་ ཛེད་ཀན་འབོ་, ཡི་ཤུ་ ཁོང་རང་ འིན་ཀན་ སིལ་ཧན་རྒུན་ལ་ ཧ་ཀོ་ཅུག་ཅེ་ ནོག་།
མཏ་ཐེ་, ཡི་ཤུའི་ ཤི་ཀན་རྒུན་ སོན་པོ་ ལྃ་ཅུག་ཅེ་, ནེད་པ་རྒུན་ ཕན་ཅུག་ཅེ་, རྡུད་ ཞུ་ཧན་རྒུན་ ཕིང་ཅེ་ རྡང་, ལུང་ཀྲག་ ཆེད་ཅུག་ཅེ་ ཆག་ལེ་རྒུན་ ཛེད་ཏེ་ ཀོན་འཇོག་ ཙོག་སེ་ ཝང་ཆ་ རྡང་ ཤེད་ ཡོ་ཀན་འབོ་ ཨ་ཧོ་རྒུན་ལ་ ལྟན་ནེ་ནོག་། འིན་ན་ ཁོང་ངེ་ ཆག་ལེ་ ཀྲག་ཤོག་རྦོ་ མི་རྒུན་ རྡིག་པེ་ཀ་ནི་ ཐར་ཤུག་ཏེ་ རྒྱལ་ཁབ་ཞིག་ ཅོའོ་ ཛེད་ཅེ་རྦོ་ འིན་, ཀའོ་རྒུན་ ཀོན་འཇོག་ ཉམ་པོ་ རྡེ་བ་ཅན་ནེ་ན་ ཏུའི་རྒྱུན་ འདེད་རྡེན་།
འི་ སྤེ་ཆེ་ འཇུག་པེ་ཀ་ ཡི་ཤུའི་ ཁོང་རང་ངེ་ ལོབ་ཀྲུག་རྒུན་ལ་ འཇིག་རྟེན་ནེ་ ཁག་ ཚང་མ་ སོང་འདེ་ མི་རྒུན་ལ་ ཡི་ཤུའི་ཀ་ ཏེཏ་པ་ ཅོའེ་རྡེ་ འགྲྃ་ཤེ་ལ་ ཆོའེ་ ཤོད་ ཟེར་རྡེ་ ལྟིང་འཇུག་རྒེ་ ཀཱ་འབོ་ སལ་༎