མཏ་ཐེ་ འབྲི་ཛེད་ཀ་ནེ་ ནེ་ཚུལ་ ཟང་པོ་།
ཡི་ཤུའི་ ཕ་མེ་པོ་རྒུན་།
1
འི་རྦོ་ ཡི་ཤུ་ མ་ཤི་ཀེ་ ཕ་མེ་པོ་རྒུ་ནི་ ཐོ་འིན་, ཁོང་ རྒྱ་སྤོ་ འདཱ་འབིད་ ཏང་ ཨབ་ར་ཧམ་མེ་ ཕར་རྒྱུད་ ནོག་།2 ཨབ་ར་ཧམ་ནི་ ཨི་སཱག་རྒེ་ ཨ་རྦ་ འིན་འབེན་།
ཨི་སཱག་ནི་ ཡ་ཀུབ་རྦེ་ ཨ་རྦ་ འིན་འབེན་།
ཡ་ཀུབ་ནི་ ཡུ་འདཱ་ རྡང་ ཁོའེ་ ཨ་ཅོ་ནོ་ ཚང་མེ་ ཨ་རྦ་ འིན་འབེན་།
3 ཡུ་འདཱ་ནི་ ཕེ་རེ་ རྡང་ ཟེ་རཧ་རྒུ་ནི་ ཨ་རྦ་,
ཡང་ ཁོང་རྒུ་ནི་ ཨ་མ་ནི་ ཐ་མར་ འིན་འབེན་།
ཕེ་རེ་ནི་ ཧེ་རོན་ནེ་ ཨ་རྦ་ འིན་འབེན་།
ཧེ་རོན་ནི་ རམ་མེ་ ཨ་རྦ་ འིན་འབེན་།
4 རམ་ནི་ ཨམ་མི་ན་འདབ་རྦེ་ ཨ་རྦ་ འིན་འབེན་།
ཨམ་མི་ན་འདབ་ནི་ ན་ཧ་ཤོན་ནེ་ ཨ་རྦ་ འིན་འབེན་།
ན་ཧ་ཤོན་ནི་ སལ་མོན་ནེ་ ཨ་རྦ་ འིན་འབེན་།
5 སལ་མོན་ནི་ འབོ་ཨཟ་ཟེ་ ཨ་རྦ་,
ཡང་ ཁོའེ་ ཨ་མ་ནི་ ར་ཧབ་ འིན་འབེན་།
འབོ་ཨཟ་ནི་ ཨོ་འབེད་རྡེ་ ཨ་རྦ་,
ཡང་ ཁོའེ་ ཨ་མ་ནི་ རུཏ་ འིན་འབེན་།
ཨོ་འབེད་ནི་ ཡི་ཤེ་ ཨ་རྦ་ འིན་འབེན་།
6 ཡི་ཤེ་ནི་ རྒྱ་སྤོ་ འདཱ་འབིད་རྡེ་ ཨ་རྦ་ འིན་འབེན་།
འདཱ་འབིད་ནི་ སོ་ལོ་མོན་ནེ་ ཨ་རྦ་,
ཡང་ ཁོའེ་ ཨ་མ་ནི་ ཨུ་རི་ཡཱེ་ ན་མ་ འབད་ཤི་འབཱ་ འིན་འབེན་།
7 སོ་ལོ་མོན་ནི་ རེ་ཧབ་འབོ་ཡམ་མེ་ ཨ་རྦ་ འིན་འབེན་།
རེ་ཧབ་འབོ་ཡམ་ནི་ ཨ་འབི་ཡཱེ་ ཨ་རྦ་ འིན་འབེན་།
ཨ་འབི་ཡཱ་ནི་ ཨ་སེ་ ཨ་རྦ་ འིན་འབེན་།
8 ཨ་ས་ནི་ ཡེ་ཧོ་ཤ་ཕད་རྡེ་ ཨ་རྦ་ འིན་འབེན་།
ཡེ་ཧོ་ཤ་ཕད་ནི་ ཡོ་རམ་མེ་ ཨ་རྦ་ འིན་འབེན་།
ཡོ་རམ་ནི་ ཨུ་ཟི་ཡཱེ་ ཨ་རྦ་ འིན་འབེན་།
9 ཨུ་ཟི་ཡཱ་ནི་ ཡོ་ཐམ་མེ་ ཨ་རྦ་ འིན་འབེན་།
ཡོ་ཐམ་ནི་ ཨ་ཧ་ཟེ་ ཨ་རྦ་ འིན་འབེན་།
ཨ་ཧ་ཟེ་ནི་ ཧི་ཟི་ཀི་ཡེ་ ཨ་རྦ་ འིན་འབེན་།
10 ཧེ་ཟེ་ཀི་ཡ་ནི་ མ་ན་ཤེ་ ཨ་རྦ་ འིན་འབེན་།
མ་ན་ཤེ་ནི་ ཨ་མོན་ནེ་ ཨ་རྦ་ འིན་འབེན་།
ཨ་མོན་ནི་ ཡོ་ཤི་ཡཱེ་ ཨ་རྦ་ འིན་འབེན་།
11 ཡང་ མག་རྒེ་ ལྟིང་ནི་ ཡ་ཧུ་འདཱ་པ་རྒུན་ འབཱ་འབེ་ལོན་ལ་ ཁྱེར་རེ་ ཏུའི་ ཡོ་ཤི་ཡཱ་རྦོ་ ཡེ་ཀོ་ནི་ཡཱ་ རྡང་ ཁོའེ་ ཨ་ཅོ་ནོ་རྒུ་ནི་ མེ་མེ་ འགྱུར་།
12 འབཱ་འབེ་ལོན་ལ་ ཁྱེར་རྡེ་ ལྟིང་ནི་
ཡེ་ཀོ་ནི་ཡཱ་ནི་ ཤ་ལ་ཏི་ཡེལ་ལེ་ ཨ་རྦ་ འིན་འབེན་།
ཤ་ལ་ཏི་ཡེལ་ནི་ ཟེ་རུ་འབཱ་འབེལ་ལེ་ མེ་མེ་ འིན་འབེན་།
13 ཟེ་རུ་འབཱ་འབེལ་ནི་ ཨ་འབི་ཧུད་རྡེ་ ཨ་རྦ་ འིན་འབེན་།
ཨ་འབི་ཧུད་ནི་ ཨེ་ལི་ཡ་ཀིམ་མེ་ ཨ་རྦ་ འིན་འབེན་།
ཨེ་ལི་ཡ་ཀིམ་ནི་ ཨ་ཟོར་རེ་ ཨ་རྦ་ འིན་འབེན་།
14 ཨ་ཟོར་ནི་ ཟ་འདོག་རྒེ་ ཨ་རྦ་ འིན་འབེན་།
ཟ་འདོག་ནི་ ཨ་ཀིམ་མེ་ ཨ་རྦ་ འིན་འབེན་།
ཨ་ཀིམ་ནི་ ཨེ་ལི་ཧུད་རྡེ་ ཨ་རྦ་ འིན་འབེན་།
15 ཨེ་ལི་ཧུད་ནི་ ཨེ་ལི་ཡ་ཟར་རེ་ ཨ་རྦ་ འིན་འབེན་།
ཨེ་ལི་ཡ་ཟར་ནི་ མཱ་ཐན་ནེ་ ཨ་རྦ་ འིན་འབེན་།
མཱ་ཐན་ནི་ ཡ་ཀུབ་རྦེ་ ཨ་རྦ་ འིན་འབེན་།
16 ཡ་ཀུབ་ནི་ ཡོ་སེབ་རྦེ་ ཨ་རྦ་ ཡང་ ཡོ་སེབ་རྦེ་ ན་མ་ནི་ མར་ཡམ་ འིན་འབེན་, ཁོ་ ཡི་ཤུ་, ཀོན་འཇོག་རྒེ་ འདམ་མེ་ ཛེད་ཀ་ནེ་ མ་ཤི་ཀ་ ལྟམ་།
17 རྡུའི་རྡེ་ ཟེར་ནི་ ཨབ་ར་ཧམ་ནི་ རྒྱ་སྤོ་ འདཱ་འབིད་རྡེ་ པར་ལ་ མི་རབ་ ཅུཔ་ཞི་, ཡང་ རྒྱ་སྤོ་ འདཱ་འབིད་རྡེ་ ཏུའི་ནི་ ཡ་ཧུ་འདཱ་པ་རྒུན་ འབཱ་འབེ་ལོན་ནི་ ཡུལ་ལ་ ཁྱེར་ཁྱེར་ཚུག་པ་ མི་རབ་ ཅུཔ་ཞི་, ཡང་ ཡ་ཧུ་འདཱ་པ་རྒུན་ འབཱ་འབེ་ལོན་ལ་ ཁྱེར་ཧན་ནེ་ ཏུའི་ནི་ མ་ཤི་ཀེ་ ཏུའི་ཚུག་པ་ མི་རབ་ ཅུཔ་ཞི་ ཡོད་ཏེ་ ནོག་།
ཡི་ཤུ་ མ་ཤི་ཀ་ ཁྲུང་ཚུལ་།
18 ཡི་ཤུ་, ཀོན་འཇོག་རྒེ་ འདམ་མེ་ ཛེད་ཀ་ནེ་ མ་ཤི་ཀེ་ ཁྲུང་ཚུལ་རྦོ་ འི་ཟུག་ལ་ སོང་འདེ་ འིན་འབེན་, ཁོང་ངེ་ ཨ་མ་ མར་ཡམ་མེ་ ཡོ་སེབ་ ཉམ་པོ་ ན་མ་ ཅོ་ཅེ་ལ་ ཁ་ཆམ་འདེ་ འིན་འབེན་། འིན་ན་ ཁོང་རྒུན་ ཛོམ་འདེ་ ཉམ་པོ་ འདེད་རྡེ་སང་ ངུལ་ལ་ ཏམ་པེ་ ཐུག་ཡིད་རྡེ་ མར་ཡམ་ རྐྱེ་ཅེ་མ་ཞིག་ འགྱུར་ཤུག་། 19 ཁོ་ ན་མ་ འདྲི་ཀན་ ཡོ་སེབ་, མི་ ཀྲང་པོ་ཞིག་ འིན་འབེ་, མར་ཡམ་ལ་ མི་རྒུ་ནི་ འདུན་ལ་ ཁྲེལ་རྦ་ ཆ་ མི་ཅུག་ སམ་འདེ་, ཁོ་རང་ངེ་ སེམ་འབེ་ན་ རྦེ་རྡེ་ མར་ཡམ་ ཉམ་པོ་ ན་མ་ མི་ཅོ་ སམ་འདེ་ ཐག་ཅེད་།
20 ཏུ་ཟུག་ ཐག་ཅེད་ཏེ་ ལྟིང་ནི་, ཡོ་སེབ་རྦེ་ ཉི་ལ་མེ་ན་ ཀོན་འཇོག་རྒེ་ ཕོ་ཉེ་ འི་ཟུག་ མོལ་ལེན་ འཇལ་, “རྒྱ་སྤོ་ འདཱ་འབིད་རྡེ་ ཕར་རྒྱུད་ ཡོ་སེབ་, མར་ཡམ་ལ་ ན་མ་ ཅོའེ་རྡེ་ ཁྱེར་ཤེ་ལ་ འཇིའི་ མ་འཇིའི་, མར་ཡམ་མེ་ན་ ཆག་ཧ་ནེ་ ཕྲུ་རྒུ་ནི་ ཏམ་པེ་ ཐུག་ཡིད་རྡེ་ ཅོའེ་རྡེ་ འིན་། 21 མར་ཡམ་ལ་ པུ་ཙ་ཞིག་ རྐྱེ་འིན་, ཡང་ ཁྱེ་རང་ངེ་ ཁོང་ངེ་ ཚན་ལ་ ཡི་ཤུ་a ཏག་རྒོའེ་ ཅེ་ཟེར་ནི་ ཁོང་ངེ་ ཁོ་རང་ངེ་ མི་རྒུན་ ཁོང་རྒུ་ནི་ རྡིག་པེ་ཀ་ནི་ རྐྱོབ་རྦེ་ ཛེད་རྡེན་།”
22 ལུང་རྟོན་པ་b ཡེ་ཤ་ཡཱ་ རྒྱུད་ཏེ་ ཙོབོ་ ཀོན་འཇོག་རྒེ་ མོལ་ཧན་ ཚང་མ་ ཀྲུཔ་ཅེ་ཕི་ ཏེ་ ཚང་མ་ སོང་འདེ་ ནོག་། ཡེ་ཤ་ཡཱེ་ འབྲི་ཧན་འབོ་, 23 “ལྟོའེ་ ན་ཆུང་, པུ་ཙ་ ཉམ་པོ་ འབྲེལ་ མ་ཆ་ཀན་ ཞིག་རྒེ་ན་ ཕྲུ་རྒུ་ ཆག་རྡེ་ པུ་ཙ་ཞིག་ རྐྱེན་, ཡང་ ཁོང་ངེ་ ཚན་ལ་ ཨིམ་མ་ནུ་ཡེལ་ ཞུའིན་, ཀ་རྦེ་ ཏོན་ཏག་པོ་ ‘ཀོན་འཇོག་ ཨ་ཧོ་ ཉམ་པོ་’ ནོག་།”