ལུ་ཀེ་ འབྲི་ཛེད་ཀ་ནེ་ ནེ་ཚུལ་ ཟང་པོ་།
ལུ་ཀེ་ སྤེ་ཆེ་ ཧོར་།
འི་ སྤེ་ཆ་ འབྲི་ཀན་ ལུ་ཀེ་ “མ་ཤི་ཀེ་ ཧུ་ཚབ་རྒུ་ནི་ ཆག་ལེ་ སྤེ་ཆ་ལ་” འབྲི་ཛེད་ཏེ་ ནོག་། ཁོང་ རྒྱ་ལེ་ སིལ་ཧན་ ཨམ་ཅི་, ཡ་ཧུ་འདཱ་པ་ མན་ཀན་ ཏེཏ་པ་ཅེན་ འདང་ ཧུ་ཚབ་ པ་འུ་ལུའི་ ཁྲོ་པ་ཞིག་ འིན་འབེན་། འི་ སྤེ་ཆའོ་ ཡི་ཤུ་ ཀྲོྃ་རྡེ་ སོན་པོ་ ཞྃ་རྡེ་ ལྟིང་ནི་ ལོ་ ཉི་ཤུ་ སེབ་ཀྱེཏ་རྡེ་ ཉེ་ཁོར་ལ་ འབྲི་ཛེད་ཏེ་ ནོག་།
ཁོང་ངེ་ འི་ སྤེ་ཆའོ་ ཐེའུ་ཕེ་ལུ་ ཟེར་ཧན་འབོ་ལ་ འབྲི་ ཛེད་། འེ་ན་ ལུ་ཀེ་ འབྲི་ཀན་རྒུན་ རྒྱུད་ཏེ་ ཁོ་ མ་ ཁག་ཅེན་ སྤོན་འབོ་ རྡང་ ཡི་ཤུ་ མ་ཤི་ཀེ་ཀ་ ཏེཏ་པ་ ཅོ་ཀན་ཞིག་ འིན་ཀན་འབོ་ ཨ་ཧོ་ལ་ ཧ་ཀོ་ནོག་།
ལུ་ཀེ་ འི་ སྤེ་ཆ་ འབྲི་ཛེད་ཅེ་ རྒྱུ་ཚན་རྒུན་
ཏང་པོ་ འཇིག་རྟེན་པ་རྒུ་ནི་ཕི་ ཡི་ཤུ་ མ་ཤི་ཀ་ ཀོན་འཇོག་རྒེ་ འདམ་མེ་ ཛེད་ཀ་ནེ་ རྐྱབ་འགོན་ འིན་ཀན་འབོ་ སལ་སྤོ་ ཅོའེ་རྡེ་ ལྟན་ཅེ་།
ཉི་སྤ་ ཡི་ཤུའི་ མི་ཙེ་, ཁོང་ ལྟམ་འབེ་ནི་ ཀྲོྃ་ཤེ་ མ་ཚེད་ སོན་པོ་ ཞྃ་རྡེ་ ཛེད་ཀན་ ཚུག་པེ་, ཏུའི་ མང་པེ་ ངུལ་ལ་ ཀོན་འཇོག་རྒེ་ ལུང་རྟོན་པ་རྒུ་ནི་ ལུང་རྟན་ སལ་ཧན་ ཚང་མ་ ཀྲུཔ་ཅུག་རྒེ་ ཛེད་ཀན་འབོ་ ཤེད་ཅེ་།
སུམ་པ་ ཡི་ཤུའི་ མི་ཙེ་རྦོ་ ཅི་ཚང་མེ་ན་ སོ་སོ་, མིག་སལ་, ཅིག་ཅིག་ མ་ནི་ མེ་ཀན་འབོ་ ལྟན་ཅེ་།
ཞི་པ་ ཡི་ཤུ་ རྡུ་ངལ་ ཐོང་འདེ་ རྐྱང་ཤིང་ངེ་ཀ་ ཤི་རྒོའེ་ན་ ཡེ་རུ་ཤ་ལེམ་ལ་ རྐྱང་ཅེ་ ཐག་ཅོད་ མ་རྟེམ་པོ་ ཡོད་པེན་ ཅེ་ཟེར་ནི་ ཏོ་རྒུན་ ཡང་ ཁོང་ སོན་པོ་ ཞྃ་ཤེ་ རྒྱུད་ཏེ་ འཇིག་རྟེན་པ་རྒུ་ནི་ཕི་ ཁོང་ རྐྱབ་འགོན་ འགྱུར་ཤེ་ ཀོན་འཇོག་རྒེ་ ཐབ་པོ་ འདྲན་འདྲ་ ཀྲུཔ་ཅེ་ ཐུག་རྒྱུའི་ ཡོད་པེན་༎