येसु सासि-नेंड्वल
20
1 वारम्ना मोदोडा दिवोस आय्त्वरतुन नेटि सक्रे बय बय आनेकेन मग्दलेने नाट्ना मरियल येसुना कूर इर्ता बुयरितगा सोत्ता.
ते अद बुयरितुन अड्डम इर्ता बंडा कूडुसि दिस्ता.
2 अदेन साटि, अद मरियल, सीमोन-पेतुरतगा अनि येसु लाड किय्वल उंडे वोरोर सिस्यनगा विच्चेर सोन्जि, “पर्बुना कूरदुन अद वीच्ना बुयरितल बूरेय वोसि, बगा इर्तेरेय माकुन टावा सेले” इन्जेर वेह्ता.
3 ते पेतुरु अनि वोन सङा मंवल सिस्यल बुयरितगा सूड्ले पेसितेर.
4 वूर इविर मीरे मासि विच्चेर मनेके, वोर सिस्यल पेतुरतुन तेर मुने विच्चेर सोन्जि, वीच्ना बुयरितगा येव्तोर.
5 अनि बहिडले वरिसि सूड्तोर.
ते अगा सिरिप कूरदुन गूंडि कीतङ कप्डिङे वोन दिस्तङ.
बति वोर रोपो नेङ्मकि.
6-7 अस्केन सीमोन-पेतुरु अगा येव्सि, रोपो वीच्ना बुयरितगा नेङ्तोर.
कूरदुन गूंडि कीतङ कप्डिङ अगा मत्तङ.
येसुना तलतुन गूंडि कीता कप्डि गडि कीसि, मेय्तङ कप्डिनल अलदि मंवल सूड्तोर.
8 अस्के वीच्नगा मोदोल येव्तोर वोर सिस्यल रोपो नेङ्सि, सूड्सि बरोसा कीतोर.
9 अस्के गिर, “किरिस्तु सासि तप्वक नेंडंतोर” इन्जेर दर्मा-ग्रंत्नगा मंवल गोस्टि वूरकुन अर्तम आय्लेके मत्ता.
10 अस्के वूर इविर मल्सि, तम्वुर्गा सोत्तेर.
येसु मग्दलेने नाट्ना मरियन दिस्वल
11 बति मग्दलेने नाट्ना मरियल बुयरितुन बह्रि निल्सि आड्सेर मत्ता.
अहन आड्सेर बहिडले वरिसि सूड्ता.
12 अस्के बेय दव्रलिक कप्डिङ पोंड्तुर इविर बगवंतनुर दूतलिर दिस्तेर.
वूर येसुना कूर मत्ता अद जागतगा तलवड्डा वोरोर अनि काल्वडा वोरोर उच्चि मत्तेर.
13 वूर, “बायि!
बारि आडंति?”
इन्जेर तान पूसि कीतेर.
ते अद, “पर्बुना कूरदुन बुयरितल बूरेय वोसि, बगा इर्तेरेयो नाकुन टावा सेले” इन्जेर मरियल वेह्ता.
14 अहन वेह्चि, पेजे तिरिता.
अस्के येसु निल्सि मंवल सूड्ता बति, वोरे येसु इन्जेर वोड्के माय्मकि.
15
मरियन येसु पावे माय्वल
अनि बोन साटि मह्क्सेर मंति?”
इन्जेर पूसि कीतोर.
ते मरियल, वोन वाडितगा मंवल गडियल इन्जेर सम्जे मासि, “दादा!
निमे पर्बुना कूरदुन वोसि मंद्किते, बगा इर्तियो वेहा.
नना सोन्जि कूरदुन वोंतोन” इन्जेर पूसि कीता.
16 ते येसु, “मरिया!”
इन्जेर तान केय्तोर.
अस्के मरियल वोन बाजुन मल्सि हेब्रि बासते, “रबुनि!”
इन्जेर केय्ता.
‘बोदा गुरु’ इन्जेर इदेना अर्तम.
17 येसु तान सङा, “नना पोरो बाबोनगा सोंदा लागर.
नाकुन पिय्सि मन्मा.
बति ना तमुक्नगा सोन्जि, ‘ना बाबोये मी बाबो आंदुर.
ना बगवंतले मी बगवंतल आंदुर.
पोरो बगवंतनगा नना सोन्जेर मंतोन’ इन्जेर वूरकुन वेहा” इन्जि तान वेह्तोर.
18 ते मग्दलेने नाट्ना मरियल सिस्यलिर्गा सोन्जि, “नना पर्बुन सूड्तोन.
पर्बु मीकुन इव गोस्टिङ वेहा इत्तोर” इन्जेर सिस्यलिरकुन वेह्ता.
19 अंटित्के* पोद्रेक सिस्यलिर यूदुल्क्नुर अदिकारिरकुन वेरिसि, तमो मीरे मासि मत्ता रोतङ कावक केह्चि, गोल्स वाट्सि रोपो मत्तेर.
अस्के येसु वूर नड्डुम पावे मासि, “मीकुन सांति वायि” इन्जेर वेह्तोर.
20 अहन वेह्ता पेजे, तंवङ केयकुन अनि डोकतुन तोह्तोर.
ते वूर सिस्यलिर पर्बुन वोड्कि पिय्सि, वेले आनंद येत्तेर.
21 अस्के येसु उंडे उंदि जोका, “मीकुन सांति वायि!
बाबो नाकुन दुनियतगा रोह्ता तीर, नना गिर मीकुन दुनियते रोहंतोन” इन्जेर सिस्यलिरकुन वेह्तोर.
22 इहिन वेह्चि, “पवित्रा आत्मा येतट” इन्जेर वूर पोरो हूकुर उह्क्तोर.+
23 अनि “मिरट बोनङ पाप्क्ते मापि कींतिटो, वूरकुन मापि पुटंता.
बोनङ पाप्क्ते मापि किय्विटो, वूरकुन मापि पुटो” इन्जेर वेह्तोर.
येसु तोमन दिस्वल
24 येसु वासि मत्तोर अस्के, बारा जन्क सिस्यलिर्गटल येमल इंवल तोमल सेले मत्तोर.
25 अदेन साटि सिस्यलिर, “ममोट पर्बुन सूड्तोम!”
इन्जेर तोमन वेह्तेर.
बति तोमल, “नना कुद पर्बुनङ केय्क्नगा मोलने पातङ अव गद्दिन सूड्सि, अवेनगा बोटने इटा बीगर अनि गोर्कते कोट्ता डोकतगा केय इरा बीगर, नना नंमोन इत्तेके नंमोन” इन्जेर इत्तोर.
26 अहन इन्जि आट रोज्क आता पेजे, तोमल अनि मेय्तुर सिस्यलिर उंदि रोन कावड केह्चि, गोल्च वाट्सि मत्तेर.
तेर बति, येसु वूर्गा पावे मातोर.
अनि “मीकुन सांति वायि!”
इन्जेर इत्तोर.
27 अहन इत्ता पेजे तोमन, “नीवङ बोटने ना केयकुन इट्सि सूडा.
अनि नीवा केय चह्चि, ना डोकतगा इर्सि, बरोसा सेलोर वोन मोडि आय्वक्ने, बरोसा वालेनि आसि मन” इन्जेर वेह्तोर.
28 अस्के तोमल, “हो, ना बगवंता!
ना पर्बु!”
इन्जेर येसुन जवब सीतोर.
29 ते येसु, “निमे नाकुन सूड्सि बरोसा कीति.
सूड्वक्ने बरोसा किय्वलिरकुन वेले आसिर्वाद्क पुटंतङ” इन्जेर तोमन वेह्तोर.
इद पुस्तक्ना बाव