लूका
लूकल लिहि कीता चोकोट्ना कबुर
इद पुस्तकुन बारेता गोस्टि
लिहि कीतोना पोरोल: लूका डाक्टरल. वेर लूकल पव्लुनोर चोकोट्नोर सोप्तल आंदुर. वेर लूकल रंड पुस्तक लिहि कीतोर. मोदोडा पुस्तक इद आंद अनि दुस्रो पुस्तक अपोस्तुल्क्नङ काम्क आंद.
लिहि कीता साल: किरिस्तु सकम मोदोडा पिडितगा लिहि किय्वल जर्ग्ता.
मुके गोस्टि: येसु पाप्ना सक्तितल पर्जतुन काबाड्ले, बगवंतल नेमि कीतोर वोर बचि किय्वल आंदुर. वोर पुटन मोदोले, वोन बारेते लिहि कीतङ तोत्तङ ग्रंत्क्नङ वचन्क पूरि किय्ले, बगवंतना सेवा बहन सुरु कीतोर इंवल इद पुस्तक्नगा मंता. “बूले मातङ अव गोरेन मोडितुर लोकुरकुन बचि किय्वले नावा काम” इन्जेर येसु वेह्तोर.
“नावा पोरोल सूड्सि आयो बति, इव कामकुन सूड्सि तेर, ना पोरो बरोसा इरट. अहन मीवङ दिल्क्नगा बगवंतन जागा सीकिट्ते, बस्केट जीवते स्वर्ग्नगा बगवंतन सङा मंदंतिट” इन्जेर येसु वेह्तोर. येसुना पिस्वडुन बारेते लिहि कीनेके, यूदुल्क बोंते कमि-पांदे सूड्ंदिरो, वूरकुन डगुर-पान सियुसेर लूकना केय्दे, इद पुस्तक्नगा बगवंतल लिहि कियुस्तोर.
बगा बतल मंता
डगुर साब तियोपिलन लूकल चिटि लिहि किय्वल 1:1-4
येसुना जल्मा अनि बेर्स्वल 1:5–2:52
बगवंतना सेवा किय्ले येसु तयर आय्वल 3:1–4:13
बगवंतना सेवा योहन किय्वल 3:1-20
येसु बाप्तिस्मा येत्वल 3:21-22
येसुनुर तोत्तुरा चरित्रा 3:23-38
येसुन सय्तन परिक्सा किय्वल 4:1-13
गलिलयतगा येसुना सेवा 4:14–9:50
गलिलयतल यात्रा कीसेर येरुसलेम सोंवल 9:51–19:27
येरुसलेम्नगा जर्ग्तङ गट्नङ 19:28–21:38
येरुसलेम्नगा येव्वल 19:28-47
मंदिरतगा बोदा किय्वल 20:1–21:4
बविसत्ने येरुसलेमुन जर्ग्वडुन बारेते 21:5-38
येसु सासि-नेंड्वल 22:1–24:53
पस्का सड अनि येसुना आक्रिता जेवुन 22:1-38
तक्लिब्क बोगे मासि मरन आय्वल अनि कूरदुन बुयरितगा इर्वल 22:39–23:56
येसु नेंड्वल अनि स्वर्ग्नगा मल्सि सोंवल 24:1-53