ABAKUKU
Mantû ma îbuku rîrî
Gûkaraga taka Abakuku aatûûraga ta mîanka 600 MKA na kwoogu aarî wa îgiita rîmwe na kîroria Njeremia na Sefania.
Kîroria Abakuku n'akûthetia antû ba Njunda n'ûntû bwa meeyia na ûremu bwao na abaroreria abeera Ngai agaatûmîra antû ba Mbabironi gûkaanûkia antû baake. Abakuku ateereawa bûra Ngai aûmba gûtûmîra antû bara batamwiyî ta ba Mbabironi mûbangooni wake. Îbuku rîrî rîrîarîîria bûra Abakuku aathirîrîîtwe i wîrîgîîro na kinya Ngai akîîbonania gatîgatîîni ga kûthirîrwa gûkû. Ngai n'we Mwathani wa magiita na nwa atûmîre inya agatûmîra bara batamwiyî kûrûtha wendi bwake.
Gwookubî îbuku rîrî rîkari ûûgû:
Kûnung'una kwa Abakuku na macookio ma Mwathani (1:1-2:4)
Mûthiro kîrî bara batarî baagîru (2:5-20)
Îromba rîa Abakuku (3:1-19)