SEFANIA
Mantû ma îbuku rîrî
Riîtwa Sefania riugaga “ûra Mwathani aithîîte” kana “ûra aithîîtwe i Mwathani”. Ti mantû maingî ma kîroria gîkî maiyîkeene. Waûmba kwîgua kîroria Sefania aatûmagîîria antû ba Njunda mîanka ta magana mûgwanja mbere ya gûciarwa kwa Yiesû. Rîru i mbere ya mûnene Njosia areeta moogarûku ma kîîndiini mwankaani wa 621 MKA. Ntûmwa yake îrîonania atî neetîgîîtie ntugû n'yarî akubî îra Mwathani akaagambithia mîgongo yonthe. Îkeegua îrî ntugû ya kînyamaara na mûthiro n'ûntû antû ba Njunda bagaakaanûkua n'ûntû bwa kûgonga ngai ciingî. Îndî wana wegua ntugû ya Mwathani n'îîyîîte na mpwî, rîra bara bathûûku bakaathirua, bara baathîkagîra Mwathani beenyiîtie na bakamûgonga, bakoonokua kuuma kîrî ntugû înu mbîî rîra îgaakinya.
Îbuku rîrî rîrîrîîkîîria na rwîmbo rwa nkena.
Ntugû înu antû bakeera antû ba Njerusaremu,
bûtigaakue nkoro, biû antû ba Sayuuni!
Bûtikaamake bwaga inya!
Mwathani Ngai wenu arî gatîgatî keenu,
arî na inya ya kûbwonokia,
Mwathani akabûkeneera,
akabûkirakiria na wendo bwake,
akaina na akene n'ûntû bwenu. (Sefania 3:16-17)
Gwookubî îbuku rîrî rîkari ûûgû:
Ntugû ya îgamba ya Mwathani 1:1-18
Mwîto wa kwîrira 2:1-3
Îkaanûkia kîrî nthî ira ithiûrûkîîrîîte Isiraeri 2:4-15
Meeyia ma Njerusaremu na gûkûûrwa kwayo 3:1-13
Rwîmbo rwa nkena 3:14-20