AMOSI
Mantû ma îbuku rîrî
Amosi aarî mûrîîthi wa kuuma Tekoa, gataûni kaniini kiromita îkûmi rûteere rwa iti rwa Bethireemu ya Njunda. Aatûmîîrie ntûmwa yake kuuma ta 780-750 MKA, kagiitaani kamwe na Osea, na kagiita gaakai mbere ya Isaya na Mika. Wana wegua aumîîte wathaniini bwa rûteere rwa iti bwa Njunda, maûroria maake maarî îgûrû rîa waathani bwa neegûrû, Isiraeri, bara gîkomano kîao gîa kîndiini kîarî Betheri. Amosi aaroragia kagiita kara Isiraeri yaarî na ûkiri na kûthi na mbere kwingî. Kagiitaani gaka antû i baarî na wîrîgîîro bûûnene bwa kagiita kara kaayîîte. Ndiini na mîtugo îmîthûûku yongeereka. Baathi na mbere kûrega kwathîkîra watho bwa Ngai na baathi mbere kûgonga mîbuanaano, na kwoogu îtaathûkia kagiita karaaya Ngai atabairîîte ûkombooni. Isiraeri yaaciindirwe n'Asîîria mwankaani wa 722-21 MKA.
Amosi aaria îgûrû rîa kûgiitwa kwa îgamba îgûrû rîa bara bainyagîîria nkîa na bara bataarî na inya, îgûrû rîa bara baarî na wîkumia na kwîbîtîgia mûno na îgûrû rîa bara baagongaga mîbuanaano. Amwe na ûgu wa kagiitaani gaku n'eeyanire ntûmwa ya wîrîgîîro na gûcookanîîrua kwa bara beebathûranire na ûthûûku na baagarûkîra Ngai.
Gwookubî îbuku rîrî rîkari ûûgû:
Atûûri ba Isiraeri bakaagiitîrwa îgamba (1:1-2:5)
Kûgiitîrwa îgamba gwa Isiraeri (2:6-6:14)
Bioneki bitaano (7:1-9:15)