OBANDIA
Mantû ma îbuku rîrî
Îbuku rîrî rîa Obandia i rîo îbuku rîra rîkubî mûno kîrîîkanîroni kîra gîkûrû. Obandia, muntû ûra îbuku rîrî rîneenkeretwe riîtwa rîake aarî kîroria, îndî gûtirî mantû mangî maake maiyîkeene. Riîtwa rîake rîgîtaûrwa i ta kuuga “muntû ûra agongaga Mwathani.”
Îbuku rîrî rîandîkirwe nyuma ya antû ba Isiraeri bakûgwatwa mîgwate bairwa Mbabironi.
Ntûmîîri ya Îbuku rîrî i kuugîîria îkaanûkia îgûrû rîa antû ba Endomu n'ûntû bwa bûra baakeneere gûtaîgwa wa antû ba Njunda, baarega kûbaîgîîrua kîao baateetheeria antû ba Mbabironi kûbaithûkîra na kûbatuunya into biao.
Mûthiani wa îbuku rîrî tûrîthooma: mîgongo îkaagambithua, na bûra Isiraeri bakaûmbana na bathûkie nthîgûrû ya anthû baao. N'we Mwathani akeegua arî mûnene wa Isiraeri.
Gwookubî îbuku rîrî rîkari ûûgû:
Kûgambithua na kwînyangua kwa Endomu ( 1-9)
Gîtûmi gîa gûkaanûkia Endomu ( 10-14)
Ngai agaakaanûkia mîgongo ( 15-16)
Ûûmbani bwa Isiraeri ( 17-21)