1 MANTÛ MA KARAAYA
Mantû ma îbuku rîrî
Kûringana na wîthîre bwa Kîîyaundi, Esira n'etîgîîtue nwe mwandîki wa Mantû ma Karaaya ya mbere na ya ciîrî. Gûntû kûmwe îbukuuni rîrî kûrî na gûntû kûmwe kûbuaneene na mabuku mamwe ma Kîrîîkanîro Gîîkûrû ta Samweri, Anene na mangî.
Îbuku rîrî rîandîkîîtwe mantû ma tene ma ûnene bwa Kîîyaundi na mîgongo îra yaabathiûrûkîîte, ma biûyûûyû bia Ndaundi na mûbangîîre wa ngûgî cia ûnene na cia kûgonga Ngai. Maandîkirwe nyuma ya gûcindwa na gûtaîgwa kwa Ayaundi. Kwoogu waûmba kwîgua îbuku rîrî rîandîkirwe gûcookia biûria bira Ayaundi beebûûragia ta, “Kwaûmbîka gûkoonekana ûnene bûbuaneene na bwa Ndaundi?” Kwoogu Esira nwa wîgue aandîkire îbuku rîrî gatîgatî ka 450 na 400 MKA.
Amwe na kwîgua Ngai n'akaanûkagia akari ba Isiraeri na ba Njunda n'ûntû bwa kûgonga mîbuanaano, îbuku rîrî rîaragîîria mûno mantû ma kagiita kara keega ga Isiraeri gakûrûkîîte na rîkoonania bwega atî mawîrane ma kîrîîkanîro kîa Ngai kîrî antû baake marî woogo. Kûgongera Ngai nyomba îra yabangîîtwe kwonekaga ta kîonanîîria gîa gwîtîgîka kwa Ngai kîrî antû baake. Mûnene Ndaundi nwe ataragwa arî mwanjîîria wa Nyomba ya Ngai wana kinya wegua i mwana wake Soromoni aamîakire.
Gwookubî îbuku rîrî rîkari ûûgû:
Nciarwa cia Andamu mwanka îgiita ria Mûnene Saûrû (1:1-9:44)
Gûkua gwa Saûrû (10:1-14)
Wathani bwa Mûnene Ndaundi (11:1-29:30)
a. Mathîîna na kûûmbana gwake (11:1-22:1)
b. Kûthuuranîra gwaka Nyomba ya Ngai (22:2-29:30)