Ɛwɛn Nywɛ Yesutɔn xena
Maki
Wlan
Oxotaɖiɖe
Maki xena ye mɔ nɔ yɔ tun Jan, wɛ wlan Ɛwɛn Nywɛ we wema xe. Jwifu wɛ e nyi, e ko le Yesu we onukplanvi weve laye mɛ o. E wa Mawu we odan kpodo Piyɛ (1 Pi 5:13) kpodo Pɔlu (Odan 12:25; 13:5-13; 15:37-39; Kol 4:10). E bo wlan wema xe la na ɛmɛ xeye ni ɔn nyi Jwifuye. Ɛwɛn Nywɛ we wema xena Maki wlan la, wɛ kpokpo hugan gbokpweye seŋu, vɔ, e bo lɔ oxo do onu susu wu. Winwlan xe la ɖe xlɛ tun Yesu bo nyi Xwetɔ Mawu vyɛ xena e sɔ ɖodan a do wa odan kpatakli ɖe le ɛgbɛ la mɛ, mi wɛ dɔn na wema la do ɖe odan xeye na Yesu la wasi ye sɔ xlɛ, le ota ji, ŋudandonu, onukpaca-ɛmɛ kpodo josi hamɛ-hamɛ xeye na e wasi ye. Ɛwɛn Nywɛ we wema xena Maki wlan la, ɖo akpa susu xeye ni nyi onu ɖokpo ŋumyɔye kpodo Ɛwɛn Nywɛ we wema xeye na Matye kpodo Lwiki wlan ye.
Lena wema la ma ɖo xɛn:
1-13. E lɔ oxo sɔn Yesu, Xwetɔ Mawu we odansɔvi la, we odan xeye na e wasi le ɛmɛye mɛ, wu.
14-15. E lɔ oxo sɔn lena Yesu se otonu gbɔɔn do yi oku mɛ ɖo, wu.
16. E lɔ oxo sɔn finfɔn sɔn oku etɔn kpodo lena e sɔn yi jiŋukunsin ɖo, wu.