Mace Linjiili
[Isa bangeyen do a leminaaxu]
(1.1-2.23)
[Isa Alimasiiwu buruju]
1
Annabi Daawuda do annabi Ibirahiima bonsonŋe,
ken ga ni Isa Alimasiiwu yi,
a burujunun faayi :
2 Ibirahiima ya n da annabi Isiyaaxa saara,
ken xa da annabi Yaaxuba saara,
Yaaxuba da Yehuuda do i waaxinun saara,
3 Yehuuda da Pereeci do Jeera saara,
i ma ni Tamara yi,
Pereeci da Hecerooni saara,
Hecerooni da Haraami saara,
4 Haraami da Hamidaabu saara,
Hamidaabu da Nahasoona saara,
Nahasoona da Salimoona saara,
5 Salimoona da Buwaasi saara,
a ma ni Lahaabu,
Buwaasi da Woobedi saara,
a ma ni Ruuti,
Woobedi da Yisaayi saara,
6 Yisaayi da Tunka Daawuda ke saara.*
Ken Tunka Daawuda ya n da Tunka Sulemaanu saara,
a ma yaxinten ɲi Wuuriya,
7 Sulemaanu da Lahabaamu saara,
Lahabaamu da Haabiya saara,
Haabiya da Haasa saara,
8 Haasa da Hosifaati saara,
Hosifaati da Horaamu saara,
Horaamu da Wuuja saara,
9 Wuuja da Yotaamu saara,
Yotaamu da Hayaaji saara,
Hayaaji da Jikkiyaahu saara,
10 Jikkiyaahu da Manaase saara,
Manaase da Hamoona saara,
Hamoona da Hosiyaahu saara,
11 Hosiyaahu da Hoyaxiimu do i waaxinun saara.
Ken waxati ya ni,
i ga da Banisirayilagankon su kittidunraga na i gana katta Baabila yi.*
12 Baabila gananden falle,
Hoyaxiimu da Salateeli saara,
Salateeli da Jurubaali saara,
13 Jurubaali da Habuuda saara,
Habuuda da Laxiimu saara,
Laxiimu da Hajooro saara,
14 Hajooro da Sadiixi saara,
Sadiixi da Haxiimu saara,
Haxiimu da Yelihuuda saara,
15 Yelihuuda da Lajaari saara,
Lajaari da Mataana saara,
Mataana da Yaaxuba saara,
16 Yaaxuba da Yuusufu saara,
ken Yuusufu yaqen ni Mariyaamu yi.
Ken Mariyaamu ya n da annabi Isa saara,
i gaa Isa ke be xilli « Kisindaana. »
17 Na a wutu Ibirahiima katta Daawuda :
yillayu tanmi do naxato ya ni.
Na a wutu Daawuda xa yi nan ri a wara Baabila gananden ŋa :
ken xa ni yillayu tanmi do naxato ya yi.
Na a wutu Baabila gananden xa yi katta Kisindaanan ŋa :
ken xa ni yillayu tanmi do naxato ya yi.
[Isa teeriyen xibaare]
18 Isa Alimasiiwu yinme bange moxon faayi.
A ma Mariyaamu ɲi sikki Yuusufu ya danŋa,
xa saado a ga telle Yuusufu kan ŋa,
a da warijaxen kita ti Alla Fanka Sennen ŋa.
19 A kiina Yuusufu ni seri sire ya yi.
A ga da a tu ti Mariyaamu warijaxanten ya ni,
a da a xanu i nan mullin bogu a yi ;
ken ya n fasu i ga da a hayiba.
20 A ga da ke ŋanniya baane tan,
Tunka Duumanten maliikan xosi du koyi a yi wuraaxun ŋa nan ti a da :
« Daawuda renme Yuusufu,
maxa kanu an yaxarin xuso Mariyaamu yaxini,
baawo noxo ke be gaa a yi,
a giri Fanka Sennen ya yi.
21 A wa ren yugo teerini,
an na a xiri “ Isa ”¤,
baawo a ya na i jaman kisini i junuubunun tooran ŋa. »*
22 Ke ɲanŋen saabu da,
Tunka Duumanten ga daali ti ke be yi annabi Yesayaahu danŋa,
a tinme,
a ga ti Alla ti :
23 « Xuson wa noxon wuttu,
na ren yugo teeri,
i gaa a toxorana “ Manuweeli ”,
a wure ya ni :
“ Alla wa kapa o yi. ” »*