Yuunusu i

Annabi

Yuunusu

Annabi Yuunusu Roraqe

Annabi Yuunusu kitaaben nta xoyi annabinyinmun kuttun kitaabun moxo. A kitaabe ke nta digaamunu ti faarannaaxu digan kiɲandinto yi. A xiisa ke tuuganten ni jaarabiyi xooro ya yi, Alla ga da i selleti a yi. Kun su sababun ni ya nan ti Yuunusu ma i annabinyinsigan sigi bire be Alla ga da faarannaaxun gongonden ro a seneqen ŋa katta Niniwenko yi. A danqanaaxu ya nan ti Alla nta riini Niniwenko ku halaki, ken ya ga ni, a ma duŋe dagana faarannaaxu ke kiɲandi, a ti i wurunu gilli Alla jon me naxan ya yi.

Bire be kuŋa ɲexen ga da Yuunusu toni, a da tuubu saaga Alla yi ma a gaa tegunu Alla da. A daga falle Niniwe yi nan gongondi i maxa, Niniwenko xosi i du rasaaga katta Alla yi nan tuubi. Alla ga fonnansiraaxu ti Niniwenkon ŋa nan fiidumaxanyille fo buren ɲanŋen maxa ti ya, ken ya yille sunoono Yuunusu danŋa xadi nan ti i wa Alla kurallini, jalagin ga xosi lagari aken Yuunusu yinme yi dubaane ; ken ya n xosi ɲa kitaabe ke karen ŋa. Annabi Yuunusu bange kamo segi siine saado annabi Isa gaa teerini.

Annabi Yuunusu wuruye (soora 1)

Annabi Yuunusu allanɲaageye (soora 2)

Niniwenko tuubiye (soora 3)

Alla fonnansiraaxu (soora 4)

Annabi Yuunusu