[Laayidunwaxanden dabarinde]
37
Becaleeli da waxanden dabari ti saayinsollen ŋa, a tan ni sogone fillo do taxande, noxon ni sogone do taxande, a taaxunten ni sogone do taxande. 2 A da a gosaasi ti kan hooren ŋa, gelli a noxo ma sella, na kanfanaaro yoori do a kaaron ŋa. 3 A da kantaru naxati taga a jungunu ku naxati yi : ke kaara taru filli, kiteeren kaara xa taru filli. 4 A da saayinberenberun dabari, na i gosaasi ti kanŋen ŋa, 5 na berenberu ku soli taru ku yi, kuudo na waxande ke wutu.6 A da bipaade dabari ti kan hooren ŋa, a tan ni sogone fillo do taxande, a noxon ni sogone do taxande. 7 A da kan hooren katu na xeribunu filli sawuran dabari bipaade ke yinmun filli yi. 8 Xeribu baanen wa ke yinme yi yere, xeribu baanen wa ke yinme yi dooke. A da xeribunu ku filli do bipaade ke dabari me yi ya. 9 Xeribunu ku kanpon banbanton wa kanmun ŋa taŋeene me yi bipaade ke kanma, kuudo na bipaade ke tanga ti i kanpon ŋa. Baane su jonkoyinten wa i kapanlenman ŋa bipaade ke kanma.
[Sadaxanbuuruntaabalin dabarinde]
10 A da saayinsollintaabalin dabari, a tan giiloyen ni sogone fillo, a noxon ni sogone, a sigen ni sogone do taxande. 11 A da a gosaasi ti kan hooren ŋa, na kanŋen fanaaron yoori do a kaaron ŋa. 12 A da xaɲen dabari do a kanbon ŋa, degere haqe, na kanŋen fanaaron ro do a yi. 13 A da kantaru naxati taga a da, na i ro a kooɲun naxati yi a taanu ku naxati jonkonmen ŋa. 14 Taru ku na xaɲe ke kaaron ya, berenberu ku gaa roono i ya taabali ke wutunden xanne maxa. 15 A da saayinsollen berenberun dabari, na i gosaasi ti kanŋen ŋa, kuudo na taabali ke wutu. 16 A da yokku beenu gaa roono taabalin kanma yi dabari ti kan hooren ŋa : a waatu, a beelunu, a jindomo do a selebenŋu, joxinden gaa ɲaana ti ku beenu yi.
[Fitillen dabarinde]
17 A da kan hoore ke fitillen dabari ti fuluman ŋa. A da fitille ke yinme do i taaxaaden dabari, do a xaren do a gubo, a xudun do a fuugu, na i su ɲa baane. 18 Kittu tunmi wa gilli do a kaaron ŋa : fitillen ke kaara baane kittu sikki, a ken kaara baane xa kittu sikki. 19 Gubu sikki wa ke kitti baane yi, i gaa xo duyittifuugen moxo, a do xudu. Gubu sikki wa kitti baane tana xa yi, i gaa xo duyittifuugen moxo, a do xudu. Ken moxo ya ni kittu ku tunmi su bogumoxon ŋa gelli fitille ke yi. 20 Fitillinxare ke yinme kanma, gubu naxati wa a yi, a do xudun do fuuge, xoyi duyittifuugen moxo. 21 Xude wa a ku kingu filli wure, xude wa a kun kingu filli wure, xude wa a ku kingi baanu xa filli wure. Kingu ku tunmi su bogu kundun ya yi fitille ke yi. 22 I xudun do i kittun su ni me yi fo baane ya, kan hooren taganten ya ni. 23 A da a kumisoomo ku ɲa ɲeru, na kan hooren xanpanun dabari, a do yinbiwutifo. 24 A da a dabari ti komo sege do tankarage menqalle ya, kafiini a yokkun su.
[Sadaxanfutaadinbeelon dabarinde]
25 A da saayinsollen sadaxanfutaadinbeelon dabari, a tan ni sogone, a noxon ni sogone. Jungunnaxaton ya ni. Sogone fillo ya ni a sigen ŋa, a do i bennun wa tokkiini me yi. 26 A da a kanmun do a kaaron yoorindan gosaasi ti kan hooren ŋa, a do a bennu. A da kanŋen fanaaron ro do a kaaron ŋa. 27 A da kangodongodo filli dabari a yi fanaaro ke wure yi wutundinoqunu ku filli yi a kaaro ku filli yi, kuudo na a wutaadu ku ro i ya, na a wutu ti i ya. 28 A da saayinsollen berenberun xa dabari, a da i gosaasi ti kanŋen ŋa. 29 A da daarindite sennen dabari xo sonqindaanan dabarindimoxo, a do futaadi timi liŋu, i sennu.