Tawureeta kitaabi sikkandi
a toxon ga ni
Leewikaaranko
Roraqe
Sariyan kitaaben noxon ŋa, Alla soni do sariyanun kininden ŋa Muusa yi, kuudo Muusa na i kiɲandi Banisirayilagankon ŋa. Leewikaara fonlaqen ya n sugandi sadaxakiɲandaano yi, ikun ɲa sariyadunkoonun ŋa, ken ya n sigi, ke kitaabe ga xiri « Leewikaaranko ». Sero beenu gaa Alla gollen ŋa, kun nan xawa katini fo sennen do fo sobinten fatana me yi ya, a do fo siren do fo bure*.
Sariyanu beenu gaa digaamunu munubatten xibaaren kanma, i gabun ya ni, i lasamanton xa ya ni. Ke kitaabe wa digaamunu sariyanu kanma, ku beenu gaa taŋene sadaxinden ŋa, na i fatanpansi, ken do allankuyu, kafiini diinan sallun ŋa. Ken do fo beenu yigeyen daganten ga ni, a do fo beenu yigeyen ga ma daga. Sero beenu ra gaa teyeene allanbatten ŋa, a do sero beenu raga nta teyeene, a wa digaamunu kun xa kanma.
Kitaabe ke digaamen funuyonkin na Alla senontaaxun ya kanma, a do Banisirayilaganko ga n xawa bireene moxo be, kuudo na kapen tanga i do Banisirayila Alla sennen naxa.