Yahud i

Ok Pokposun

pasal sok Sulat tidu ni Yahud

Mga pigilugan,

Salam diniyu kotanan.

Yonin kini ong mopolok nok pokposun pasal sok sulat tidu ni Yahud nok posunguꞌ niyu na bastahon. Sok ponabut nong modakol nong mga mokokosun si Yahud kini solobuk gilug ni Yaꞌkub (Kitab Injil, Matiyu 13:55), bu bataꞌ yanin ni Yusup bu ni nog yonin na og ginaꞌ ni Isa Al-Masih. Ongon da sop ok sulat nog gilug ni Yahud kini nok si Yaꞌkub sok (Kitab Injil, Yaꞌkub 1:1).

Na ok sinulatan ni Yahud, yonin na ong mga tow nong mogogunut sok Tuhan bu sog Bataꞌ in nok si . Ong maksud nok sulatin, mokposun song mga nok pohallion tidu song mga tintuluan nog loput song mga tow nong nog ilon ong mulid ni Isa. Pisampoyin da sop dinilon ong mga taluꞌ nong mokopokpogot nok kotombaꞌ bu pongandol nilon ni Isa Al-Masih. Tinaluanin sop ilon nok sumboy molasa-mololat ilon song mga migduwaꞌ-duwaꞌ bu song mga mikosimoy sok kotombaꞌ nilon ni .

Bung mayan tonduan ita niyu nok Tuhan sok pogbasta ta nini, bu potontulonin ita niyu sog dalan nok posunguꞌ sok .

 

Wassalam