Ok Pokposun
pasal sog Ikotolu Sulat tidu ni Yahiya
Mga pigilugan,
Salam diniyu kotanan.
Yonin kini og ikotolu sulat ni Yahiya nok posunguꞌ niyu na bastahon.
Sinulatan ni Yahiya ok solokotow moktotombaꞌ nong ngalanin Gayus. Mosolag og loliyag ni Yahiya nok kopongandolan si Gayus bug duma nin nok si Dimetri bu mokpotattap ilon sok kosobonnalan. Sugaid ongon ok solokotow diyon sok tumpukan nilon nong mga moktotombaꞌ nog diꞌ mokpohatul bu sumaggaꞌ pa tanan song mga duma nin nong meleg mokpohatul. Dadi tinaluan ni Yahiya siloꞌ Gayus nog diꞌ ilon mogdogiling diyanin.
Sok ponabut nong mga mokokosun sinulat kini dangan miniyan mga 60 tahun tidu sok kotubuꞌ puliꞌ ni Panghuꞌ Isa bangka pokpuliꞌ sok surgaꞌ.
Bung mayan tonduan ita niyu nok Tuhan sok pogbasta ta nini, bu potontulonin ita niyu sog dalan nok posunguꞌ sok surgaꞌ.
Wassalam