Ok Pokposun
pasal sog Ikoduwaꞌ Sulat tidu ni Yahiya
Mga pigilugan,
Salam diniyu kotanan.
Yonin kini ong mopolok nok pokposun pasal sog ikoduwaꞌ sulat ni Yahiyaa nok posunguꞌ niyu na bastahon.
Ok sinulatan ni Yahiya sok sulatin kini, daꞌ in labitoy ong ngalanin, sugaid tinawagin nog libun pigaddatan. Sok ponabut nong mga duma nong mokokosun ok tinawag dini nog libun pigaddatan, solobuk jomaa ni Isa Al-Masih bu ong mga tinawag nong mga gumbataꞌ in, yonin na ong mga sakup nog jomaa koyon.
Og gawoyin moksulat bagun ong mga moktotombaꞌ ni Isa Al-Masih ondiꞌ kobolongan nok kotombaꞌ. Pipondomanin ilon nok sumboy diꞌ ilon mogunut song mga mokpobaluꞌ-baluꞌ moktonduꞌ pasal sok Tuhan. Mosolag og legin nong mokpotattap ilon sok kosobonnalan bu modiyon dinilon ok kosannangan nok Tuhan. Pipondomin da sop dinilon nok sumboy diꞌ nilon kolingowan ok kolasa bug kololat song mga kodumahan nilon.
Sok ponabut nong mga mokokosun sinulat kini mga 60 tahun na tidu sok kotubuꞌ puliꞌ ni Panghuꞌ Isa bangka poguliꞌ sok surgaꞌ.
Bung mayan tonduan ita niyu nok Tuhan sok pogbasta ta nini, bu potontulonin ita niyu nog dalan posunguꞌ sok surgaꞌ.
Wassalam