Ok Pokposun
pasal song Mobais nok Suksugan pasal ni Isa Al-Masih nok Sinulat ni Matiyu
Mga pigilugan,
Salam diniyu kotanan.
Ok bahagiꞌ nog Kitab Injil nok posunguꞌ niyu bastahon kini, sinulat ni Matiyu mokkulang-moglabi 30 tahun tidu sok kotubuꞌ puliꞌ ni Isa Al-Masih bangka pokpuliꞌ sok surgaꞌ. Si Matiyu iningalanan da sop nog Lebi. Solobuk yanin sok sopuluꞌ bu duwaꞌ kotow nok piniliꞌ ni Panghuꞌ Isa mogunut diyanin nog iningalanan nong mokpoposampoy. Piniliꞌ in ilon bagun moimung ilon nok tow nok kowakilanin mognasihat nong Mobais nok Suksugan pasal sok pogawon nok Tuhan song mga manusiyaꞌ biyan diyanin.
Og ginang ni Matiyu tagnaꞌ mogogalap nog buwis sok parinta nog bangsa Rum, tibuwa poktawag ni Panghuꞌ Isa diyanin, binagakin og ginangin bangka pogunut diyanin (9:9-13 bug Kitab Injil, Lukas 5:27-32.) Ong Mobais nok Suksugan kini, sinulat ni Matiyu pasal sok kobiyan-biyan ni Isa, yanin na og jinanjiꞌ nok Tuhan nong mogawon song mga manusiyaꞌ. Yanin da sop ong mikposobonnal song mga janjiꞌ nok Tuhan song masa tagnaꞌ. Saan na lolayun molabit ni Matiyu bug olo ong misulat pasal ni Panghuꞌ Isa sok Kitab Tawrat, Kitab Jabur bu song mga konabihan.
Bung mayan tonduan ita niyu nok Tuhan sok pogbasta ta kini, bu potontulonin ita niyu sog dalan nok posunguꞌ sok surgaꞌ.
Wassalam