Matiyu 9

Mibulung ni  og Daday

Na sinumakoy na siloꞌ Isa sog bangkaꞌ. Tubus tinumolipag ilon sog linow bangka datong sog bonuwa nin. 2 Doksuꞌ ongon ong mga tow migoyit diyanin nog daday sok tanggunganin. Poktongow ni Isa nong mosolag ok kopongandol nong mga migoyit koyon diyanin, tinaluanin og daday koyon, “Toꞌ, pogloliyaga, inampun na ong mga nu!”

3 Ongon ong mga duma nog guru agama diyon nong mikodongog, dadi migdiyamatoy ilon, “Ponglaat koyon! Pibatukin og ginawa-baranin sok Tuhan.”

4 Tibuwa kiosunan ni Isa ok pikilan nilon, dadi ok taluꞌ in, “Manu mokpikil amu ma nong molaton? 5 Poꞌ ayin buwan ong molomu taluon, ‘Inampun na ong mga dusa nu,’ atawa ‘Pogbuwata bangka a na panow?’ 6 Tibuwa tulikan niyu bagun kosunan niyu nok taga kopatut og mongampun nog dusa dini sog dunya.” Tubus tinaluan ni Isa og daday, “Pogbuwata, alap nu ok pigbolilidan nu bangka a uliꞌ.”

7 Dadi migbuwat og daday, bangka uliꞌ. 8 Na kiongonan ong mga tow nong mikotongow koyon nog gondok sok Tuhan, bu piotas nilon ok Tuhan nong migbogoy nok kopatut nong mamaꞌ nituꞌ song manusiyaꞌ.

Miimung si Matiyu nong Mulid ni Panghuꞌ Isa

9 Tubus nituꞌ miglandan pa si Isa, bu mitongowin ong mogogalap nog ngalanin si nong miningkud sok pogogalapan nog buwis. Na tinaluan yanin ni Isa, “Pogunuta dinakon.” Minindog yanin bangka pogunut diyanin.

10 Na ongon og waktu nok kinuman siloꞌ Isa sog baloy ni Matiyu. Modakol ong mga mogogalap nog buwis bug mga ong minangoy diyon bangka ampuꞌ kuman dunut ni Isa bug mga mulidin. 11 Dangan mitongow koyon nong mga , tinaluan nilon ong mga mulid ni Isa, “Manu minampuꞌ ma kuman og guru niyu song mga mogogalap nog buwis bug mga baldusa?”

12 Dangan midongog ni Isa, tinumabal yanin, “Ong mga tow mokolasig, daꞌdun balan nilon nok polomulung, sugaid ong mga misaki da. 13 Pongadjioy niyu ong maana nok tinaluꞌ nok Tuhan sok Kitab,

‘Og lolat ok kolegan ku, gabaꞌ sok kurban.’

Poꞌ daꞌ u angoy dini mongonggat nong mga tow nong mingniyat nong mologdong ilon, sugaid bagun mongonggat nong mga mingaku nog baldusa ilon.”

Ok Pononggiꞌ ni pasal sok bug Ponintuluꞌ in nog Bogu

14 Na minangoy diyon ong mga mulid ni bangka poktaluꞌ, “Ami kini bug mga Parisi sigi-sigi mokpuwasa, sugaid manu ong mga mulid nu ondiꞌ ma?” 15 Pinonggian ni Isa dinilon, ok tabalin, “Mokkorukkaan taꞌ buwan bu mokopuwasa taꞌ ong mga pondala sok pokkawingan sog bon nog diyon pa dinilon ok pongantim laki? Ondiꞌ na dodaꞌ! Tibuwa matong da og waktu nog alapon da dinilon ok pongantim laki, na bangka pa ilon sop pokpuwasa.”

16 Tubus nituꞌ miksuksug si Isa nok pononggiꞌ pasal sok pononduꞌ masa tagnaꞌ bu og bogu nok pononduꞌ in. Taluꞌ in dinilon, “Daꞌdun ok tow nog gamitonin ok kokanaꞌ bogu poktilobin sog dan ponapot. Poꞌ bilaꞌ doktakan ok ponapot koyon, kumoloꞌ ok tilobin, bu lumiwag pa og godit nok ponapotin. 17 Domikkiyan da sop, daꞌdun ong mogungod nog bogu sog dan nog gungodan panit nog binatang, poꞌ ondiꞌ na mobitad. Dadi bilaꞌ mogbulaꞌ ok tubig anggul, tumibul og inungod bangka kobogdak og gungodan. Na mobunag og gungodin bu mogasta og gungodan panit koyon. Tibuwa ok tubig anggul nog bogu, sumboy ungodon na dodaꞌ sog gungodan nok panit nog bogu poꞌ mobitad. Dadi ok tubig anggul koyon sampoy gungodanin, ondiꞌ moglaat.”

Pitubuꞌ ni Isa og Bataꞌ Libun

18 Na soliyan ni Isa moktaluꞌ, ongon ok kounutan sog minangoy diyanin bangka sudjud, taluꞌ in, “Tuwan, bogu da minatoy og bataꞌ u nog libun, sugaid pogunuta dinakon bangka nu yanin doponoy bagun motubuꞌ.” 19 Migbuwat si Isa bangka pogunut sok tow koyon dunut nong mga mulidin.

20 Soliyan nilon mopanow, ongon ok solokotow nog libun diyon nong molossahi pogduguꞌ-duguon sog bon nok sopuluꞌ bu duwaꞌ tahun. Dadi limimugoy yanin diyon tidu sok tolikudan ni Isa nong migigot na ong mga tow bangka nin kimaloy ok sung-sung nog juba ni Isa. 21 Poꞌ taluꞌ in sog ginawa nin, “Bilaꞌ mokimalu tibuwa nog juba nin, kulian ku na dodaꞌ.” 22 Liningoy ni Isa og libun koyon bangka nin taluoy, “Buweꞌ, pogloliyaga, ok pongandol nu ong mikokuliꞌ dinika.” Bu kiulian yanin tidu sog waktu koyon.

23 Poksolod ni Isa sog baloy nok kounutan koyon, mitongowin ong mga polosuling para song minatoy bu ong mga mikkorukkaan nong monamal. 24 Miktaluꞌ yanin, “Luwas amu pa dini, poꞌ og bataꞌ koyon daꞌ da patoy, sugaid mitulug hadja.” Na pikkotawahan nilon yanin. 25 Tibuwa dangan piluwas na ni Isa ong mga tow diyon, sinumolod na yanin sog bilik bangka nin onggaydoy ok komot nog bataꞌ koyon, bangka kotubuꞌ puliꞌ. 26 Na og dongogan koyon, milatag sog lumibut nog bonuwa koyon.

Kiulian ni og Buta bug Gumow

27 Pogawaꞌ ni Isa tidu diyon, miktuyuk diyanin og duwaꞌ kotow nog buta, migekes ilon, “Kololatoy nu ami, ponupuꞌ ni Sultan !” 28 Dangan mikosolod na si Isa sog baloy, minangoy diyanin ong mga buta koyon, bu taluꞌ ni Isa dinilon, “Tumombaꞌ amu taꞌ nong moinangu tokodoy kini?” Ok tabal nilon, “Oo, Tuwan.” 29 Tubus dinoponan na ni Isa ong mata nog duwaꞌ kotow koyon, bangka poktaluꞌ, “Na mounut sok pongandol niyu moongon ok pingoni niyu.” 30 Na mikotongow ilon na puliꞌ. Mingibut-ibut si Isa dinilon, taluꞌ in, “Diꞌ amu monuksug nog bisan sima.” 31 Sugaid inulit nilon ponuksug sok kobonuwahan koyon ok pasal ni Isa.

32 Pogluwas nog duwaꞌ kotow koyon, ongon ok solokotow nog inoyit diyon ni Isa, miumow yanin pasal sok soytan. 33 Dangan binugow tibuwa ni Isa ok soytan, mikopoktaluꞌ na og gumow koyon, bu misobuꞌ ok kotanan nok tow diyon, taluꞌ nilon, “Daꞌ pa sibon koinang ong maꞌ nini kini sog bonuwa .” 34 Tibuwa taluꞌ nong mga tow Parisi, “Ok tow koyon, mokopoluwas yanin nok soytan poꞌ binogoyan yanin nok kowasa nok kounutan nong mga soytan.”

Milolat si song mga Tow

35 Na linumibut si Isa song mga lungsud bug mga kowman mongnasihat song mga nilon. Mikposampoy yanin nong pasal sok , bu kiulianin ok sosuku nok saki bug lamma nong mga tow. 36 Dangan mitongow ni Isa ong mosolag nok tumpukan nok tow, milolat yanin dinilon, poꞌ sog diyalom ilon nok kosusahan mamaꞌ nog daꞌdun ong mokotabang dinilon. Mamaꞌ ilon nong mga nog daꞌdun ong mogogipat dun. 37 Doksuꞌ tinaluan ni Isa ong mga mulidin biyan sok pononggiꞌ nong modakol na ong mobukaꞌ nok pongatoyan nok tow tumombaꞌ song Mobais nok Suksugan, taluꞌ in, “Ok tumpukan nok tow mamaꞌ sopantun nong mosolag nog guma nok Tuhan nong mosongkuꞌ bu mogdadi na ganihon, sugaid mikaan da ong mga pologani. 38 Saan na pongoni-ngoni amu sok Tuhan nog bung mayan mokpoyit yanin nong mga pologani tumabang gumani sog guma nin.”