Matiyu 8

Mipokuliꞌ ni ok Tow taga Saki Pomolongon

Dangan dinumiksun si Isa tidu sog bontud, migunut diyanin ong modakol nong mga tow. 2 Pokpuwas nituꞌ ongon ok solokotow nog ginipul mikpolani dituꞌ ni Isa bangka sudjud sog gadapanin, taluꞌ in, “Tuwan, bilaꞌ kolegan nu, mobulung nu akon bangka u kolissin.” 3 Na dinoponan ni Isa ok tow koyon, bangka poktaluꞌ, “Oo, melegu da, kulian ka na!” Sododuun kiulian og gipulin. 4 Taluꞌ ni Isa diyanin, “Diꞌ a tokodoy monuksug bisan sima pasal nini, sugaid angoya pokpotongow nog lawas nu sog . Doksuꞌ pokkurban ka mounut sok suguan ni Nabi Musa, gantaꞌ pokposaksiꞌ song mga tow nok kiulian ka na.”

Ok Kotombaꞌ nok Kapitan nong mga Kosundaluhan nog Rum

5 Dangan minatong si Isa sog lungsud Kapernaum, minangoy mokitabang diyanin ok solokotow bangsa Rum nok kapitan nong mga sundalu. 6 Taluꞌ in, “Panghuꞌ, ok sosuguon ku misaki dituꞌ sog baloyu. Midaday yanin bu mibinasa tokodoy.” 7 Ok tabal ni Isa, “Mangoyu da dituꞌ bangka u yanin pokodagoy.” 8 Tibuwa ok tabal nok kapitan koyon, “Panghuꞌ, diꞌ u daitan nok sumuloda sog baloyu, sugaid taluon nu hadja, bu mitantu u nok kulian na ok sosuguon ku. 9 Poꞌ akon sooy ongon da sop ok kounutan nong migbayaꞌ dinakon, bu ongon ok pigbayaan ku nong mga sundalu. Bilaꞌ taluon ku sok solokotow, ‘Angoya dituꞌ,’ tumombaꞌ yanin. Bu bilaꞌ sop taluon ku sok solokotow, ‘Pokpolani a dinakon,’ tumombaꞌ da sop yanin. Bilaꞌ sop taluon ku sog ku nog, ‘Inang nu kini,’ na inangonin.”

10 Dangan midongog koyon ni Isa, misobuꞌ yanin sok pongandolin bangka nin taluoy ong mga tow nong migunut diyanin, “Taluan ku amu, ong motudin, daꞌ u sibon pokobalak nok tow sog nong maꞌ nini kopagas ok kopongandolin. 11 Taluan ku amu, modakol nok tow tidu sog ayin-ayin bonuwa dini sog dunya mogdongan mogjamu dunut niloꞌ , , bu Yaꞌkub sok Pomarintahan nok Tuhan sok . 12 Tibuwa modakol ong mga tow nok sukuꞌ bosiya sok , sugaid tikpuon ilon sog luwasan dituꞌ sok kodoloman. Bu dituꞌ ilon pogaduy, bu mongolongot ong ngisi nilon.”

13 Pokpuwas nituꞌ tinaluan ni Isa ok kapitan koyon, “Uliꞌ a na, bu binogoy na dinika ok pingoni nu mamaꞌ nok kotombaꞌ nu!” Dadi sododuun kiulian ok sosuguonin.

Kiulian ni ong mga Misaki

14 Dangan minatong na siloꞌ Isa sog baloy ni , mitongowin ok ponugangan ni Petros nog libun migbolilid poꞌ mipanas. 15 Dinoponan ni Isa ok komot nok ponugangan ni Petros. Na miawaꞌ ok panasin bangka na pogbuwat bu tinolagadin si Isa. 16 Poglogobi, inoyit nong mga tow diyanin ong modakol nok sinolodan nok soytan. Na binugowin ong mga soytan sok taluꞌ in hadja, bu kiulianin og lam nong misaki. 17 Ininang kini ni Isa bagun mogmattan ok tinaluꞌ ni Nabi sog diyalom nok Kitab,

“Yanin ong mingatas nong mga saki ta niyu,

bu mikawaꞌ nong mga longkoan ta niyu.”

Ok Kologon sok Pogunut diyon ni Panghuꞌ Isa

18 Na dangan mitongow ni Isa nong modakol tokodoy ok tow sog lumibutin, miktaluꞌ yanin song mga mulidin, “Alung, tumolipag ita niyu sog dipag.” 19 Doksuꞌ ongon og guru agama nong minangoy dituꞌ ni Isa, taluꞌ in, “Tuwan Guru, mogunutu dinika bisan ayin ka posunguꞌ.” 20 Tinabal yanin ni Isa, taluꞌ in, “Ong mga tinggalung, ongon og luwang nilon, bu ong mga manuk-manuk taga salag, sugaid akon og daꞌdun tanan og baloy pogulalihan ku.” 21 Na ongon sop ong mulidin miktaluꞌ diyanin, “Panghuꞌ, puliꞌ nu pa akon poguna mokkubul nog gommaꞌ u, bangka u pogunut dinika.” 22 Tibuwa ok taluꞌ ni Isa diyanin, “Pogunuta na dinakon. Potiyangan nu na ong mga tow nok patoy ok ponginombaꞌ nilon sok Tuhan nog ilon ong mokkubul nong mga patoy nilon.”

Pitoddoꞌ ni Isa og Galuꞌ

23 Tubus simakoy na si sog bangkaꞌ, bu migunut sop ong mga mulidin bangka ilon tulak. 24 Na sunoy pa miongon ong mopagas nog galuꞌ sog linow, bu moglam-lam na ilon koulakan nong nabok. Tibuwa si Isa, totulug yanin. 25 Dadi inangoy yanin tanudoy nong mga mulidin, taluꞌ nilon, “Panghuꞌ, tabang! Molonod ita na!” 26 Taluꞌ ni Isa dinilon, “Manu miondok amu ma? Manu mikaan ma ok pongandol niyu?” Doksuꞌ migbuwat yanin bangka nin pogbinaoy lumotaꞌ og galuꞌ bug nabok, bu sododuun tinumoddoꞌ. 27 Na misobuꞌ ong mga mulidin, taluꞌ nilon, “Olo bayuꞌ towoy yanin kini nog bisan og galuꞌ bug nabok tumombaꞌ ma diyanin?”

Kiulian ni Isa og Duwaꞌ Kotow Sinolodan nok Soytan

28 Dangan dinumongguꞌ na ilon sog dipag sog bonuwa nok sakup nog Gadara, linumpak yanin nog duwaꞌ kotow laki nok sinolodan nok . Miktidu ilon sog langub pongubulan. Mokondok-ondok ilon tokodoy dadi daꞌdun ong mokobiyan diyon. 29 Sunoy pa miglosik ilon, “Olo og inangon nu dinami, ? Minangoya taꞌ dini moksiksaꞌ dinami sog daꞌ pa og waktu nin?”.

30 Na ongon ong modakol nog babuy minungat molayuꞌ-layuꞌ dinilon. 31 Dadi mingoni tokodoy ong mga soytan koyon, “Bilaꞌ poluwason nu ami, posolod nu ami song mga babuy koyon.” 32 Taluꞌ ni Isa, “Sigi, angoy amu na dituꞌ.” Dadi limuwas ilon bangka ilon angoy song mga babuy. Sododuun mimolebes gumobok ong mga babuy koyon sog bilidan tokodoy posunguꞌ sog linow bangka ilon kolomos kotanan. 33 Dadi ong mga mogogipat nong mga babuy koyon, ginumobok ilon bangka nilon suksugoy song mga tow sog lungsud koyon og lam nong mikobiyan song mga babuy bu song mga tow kituꞌ nog bakas sinolodan nok soytan. 34 Na minangoy ni Isa og lam nok tow sok siyudad koyon, bu dangan mitongow nilon yanin, pingoni nilon tokodoy nong mawaꞌ na sog bonuwa nilon.