Matiyu 10

Ok Sopuluꞌ bu Duwaꞌ ni Panghuꞌ Isa

Na pogdoksuꞌ nituꞌ, tinawag ni Isa ok sopuluꞌ bu duwaꞌ kotow mulidin bangka nin ilon bogoyoy nok kowasa mokpoluwas nok soytan bu mokpokuliꞌ nog lam nog ginisan nok saki bug lamma. 2 Yonin kini ong mga ngalan nok sopuluꞌ bu duwaꞌ kotow mokpoposampoy ni Isa. Miguna si Simon nog ginollalan nok bu og gilugin nok si Andariyas, si Yaꞌkub bu og gilugin nok si Yahiya yonin na ong mga gumbataꞌ ni Sebede, 3 si Pilip bu si Bartolomi, si Tomas, si yonin na ong mogogalap nog , si Yaꞌkub yonin na og bataꞌ ni Alpa, si Tadiyus, 4 si Simon og ginollalan nok Selot, ong maana nin ong momologbog, bu si Yudas Iskariyot, yonin na ong minipu ni Isa.

Ok Suguan ni song mga Mokpoposampoyin

5 Na ok sopuluꞌ bu duwaꞌ kotow kini pipanow ni Isa, bu sinuguꞌ in ilon, “Diꞌ amu pa sokaliꞌ mangoy song mga tow nog len bangsa, bu diꞌ amu pa sumolod song mga lungsud nog bangsa . 6 Tibuwa angoy amu song mga tow bangsa poꞌ mamaꞌ ilon nog bilibili nong mibolong. 7 Panow amu bangka amu pognasihat song mga tow, taluꞌ niyu, ‘Molani na ok .’ 8 Bulung niyu ong mga misaki, potubuꞌ niyu ong mga minatoy, pokuliꞌ niyu ong mga ginipul, bu bugow niyu ong mga soytan! Mikotabuk amu nok kowasa kini nog daꞌdun og binayad niyu, dadi pomogoy amu sop nog daꞌdun og bayadin. 9 Diꞌ amu mogoyit nog bulawan bug sin sok kandit niyu. 10 Diꞌ amu da sop mogoyit nog gabot dunut salinan, tolumpaꞌ bug tungkod, poꞌ ong mogoginang patut na dodaꞌ tindanan.

11 Bisan olo lungsudoy atawa kowmanoy ok solodan niyu, ponontong niyu ok tow nok pigaddatan, bu pogonong amu diyanin toktob sog gumonat amu na. 12 Bilaꞌ sumolod amu sog baloy, ponalam amu poguna. 13 Na bilaꞌ ong mga tow sog baloy koyon tolopon, motolimaꞌ nilon da ok kosannangan, sugaid bilaꞌ diꞌ amu tolimaon, potiyangan na mokpuliꞌ diyon diniyu ok kosannangan nok pingoni-ngoni niyu para dinilon. 14 Bu bilaꞌ ongon og diꞌ tumolimaꞌ diniyu bu diꞌ monginongog sok ponintuluꞌ niyu, pokpasoy niyu og bogombun sog botis niyu pogawaꞌ niyu sog baloy atawa sog lungsud koyon, tandaꞌ nog diꞌ amu na motaksil nok Tuhan pasal dinilon. 15 Taluan ku amu, ong motudin, sog mobogan pa og hukuman nong mga tow Sodom bug Gomora gabaꞌ sog hukuman nog lungsud koyon.

16 Pokpotubud amu! Pangoyon ku amu mamaꞌ hantang nog bilibili sok titongaꞌ nong mga mobingis nog gayam talun, dadi pokpopandoy amu, bu pokposutsi amu nok pongatoyan niyu. 17 Poghalliꞌ amu song mga tow, poꞌ ongon og waktu nok saggowon amu bangka wakiloy sok poghukuman. Tubus lakposon nilon amu diyon sog nilon. 18 Pasal sok pogunut niyu dinakon, oyiton amu sog gadapan nong mga sultan bug mga gubernur. Na yonin koyon og waktu niyu monuksug dinilon bu song mga tow len bangsa pasal dinakon. 19 Bilaꞌ saggowon amu bangka amu wakiloy dinilon, diꞌ amu mosusa bug olo ok taluon niyu, poꞌ bogoyon diniyu sog waktu koyon ok taluon niyu. 20 Poꞌ ok taluꞌ koyon kanaꞌ tidu diniyu, sugaid tidu sog Ruh nog Gommaꞌ niyu nog yonin na ok Tuhan.

21 Sog waktu koyon ongon ong mogilug tipuhonin og gilugin bangka wakiloy bagun popatoy, bu ongon da sop og gommaꞌ nok tipuhonin og bataꞌ in bagun popatoy, bu ongon sop ong mga gumbataꞌ nong mongatu song mokogulang nilon bangka nilon popatoy. 22 Dumutan amu nog lam nok tow sabap dinakon. Sugaid sima-sima ong mokotiggol toktob sok kodoksuan, na moawon yanin. 23 Bilaꞌ gonaton nilon amu sok solobuk bonuwa, polaguy amu sog len bonuwa. Poꞌ taluan ku amu, ong motudin, sog diꞌ niyu pa moulit ok kobonuwahan nog Israel, akon og matong na. 24 Ong mulid ondiꞌ lumabi sog guru nin, domikkiyan da sop, ok sosuguon ondiꞌ lumabi sog gamu nin. 25 Moksukul na ong mulid bilaꞌ mokobatuk yanin sog guru nin, bu ok sosuguon sop mamaꞌ nog gamu nin. Bisan akon, ok Panghuꞌ niyu tinawag nilon nok kounutan nong mga soytan, labi na amu mga mogogunut dinakon ok ponaluꞌ-naluan nilon.

26 Dadi ondiꞌ amu mondok dinilon, poꞌ daꞌdun og dinungmaan nog diꞌ kosunan atawa og binuni nog diꞌ tumampal. 27 Ok tinaluꞌ u diniyu sog waktu nong modolom, suksug niyu sog waktu nong modolag, bu og lam nog inilom-ilomu diniyu, posampoy niyu sok kodakolan. 28 Diꞌ amu mondok song mga mokopatoy nog lawas niyu sokaliꞌ diꞌ da mokopatoy nong nyawa niyu. Tibuwa ok kondokan niyu ok Tuhan, ong mokosiksaꞌ nong nyawa bug lawas niyu song narkaꞌ. 29 Pikil niyu ba ong manuk-manuk maya duwaꞌ buk, sopilak da og halgaꞌ in. Ilakad nok kolomu og halgaꞌ nilon, tibuwa daꞌdun ong matoy dinilon bilaꞌ kanaꞌ pa kolegan nog niyu sok . 30 Amu pa taꞌ? Bisan ong monolongow nog buk niyu, kiosunan nok Tuhan og dakolin. 31 Saan na diꞌ amu mondok, poꞌ mohalgaꞌ amu pa tidu song mga maya bisan pa andun og dakol nilon.

Sumboy ita Momologbog ni Panghuꞌ Isa

32 Sima-sima ong mangkon sog gadapan nong mga tow nok sukuꞌ yanin dinakon, angkonon ku da sop diyon sog u sok surgaꞌ nog yanin ok sukuꞌ u. 33 Sugaid sima-sima ok sumonsing sog gadapan nok tow nok sukuꞌ yanin dinakon, sonsingan ku da sop diyon sog Gommaꞌ u sok surgaꞌ.

34 Diꞌ amu mokpikil nong minangoyu dini mogoyit nok kosannangan sog dunya, na kanaꞌ, tibuwa ok sasow. 35 Poꞌ pagga minangoyu dini, mobahagiꞌ ong mga tow, og laki sumaggaꞌ sog gommaꞌ in, og libun sumaggaꞌ sog ginaꞌ in, bu ong mimonugangan nog libun sok ponuganganin nog libun. 36 Ong moimung nog banta nok tow, ok kodumahanin da sog baloy. 37 Sima-sima og labi molasa sog gommaꞌ in bug ginaꞌ in tidu dinakon, kanaꞌ yanin tolopon dinakon, bu sima-sima og labi molasa sog gumbataꞌ in libun-laki, kanaꞌ da sop yanin tolopon dinakon. 38 Bu sima-sima og diꞌ mokosandal nok kobinsanaan bisan sampoy sok kopatoy pasal sok pogunutin dinakon, kanaꞌ da sop yanin tolopon dinakon. Poꞌ ong mulidu sumboy mamaꞌ sopantun nok tow mokpisan nok kayu nok poglansangan diyanin bangka poktuyuk dinakon. 39 Sima-sima ong mokpolabi nok kotubuꞌ in dini sog dunya, mobolong da diyanin. Sugaid sima-sima ong molong nok kotubuꞌ in pasal dinakon, koongonan yanin nong mosannang nok .

40 Sima-sima ok tumabuk diniyu, mamaꞌ nok tinabukin akon. Bu sima-sima ok tumabuk dinakon, tinabukin da sop og Gommaꞌ u nong mikpangoy dinakon dini. 41 Ok tumolimaꞌ nong sabap sok konabi nin, mokotabuk yanin nok pahalaꞌ mamaꞌ nong nabi. Bu sima-sima ok tumolimaꞌ nok tow mologdong sabap sok kologdongin, na mokotabuk yanin nok pahalaꞌ mamaꞌ nok tow mologdong. 42 Bu sima-sima ong mokopinum nok sobasu sooy nok tubig motigdow bisan sok kinobabaan nong mulidu pasal sok pogunutin dinakon, taluan ku amu, diꞌ na dodaꞌ mobolong ok pahalaꞌ in.”