Ibalula ya wutasi iya
Yohana
Imola yina yilongola
Umwanandeje uYohana wáyandikhaga ibalula iyi kwa vahuvililaaji vamonga ava Yeesu, vina wáali avageene ngaja vanaakwe. Ikivalomba mandu avahuvililaaji vayiteneshe kiyiima wunofu kwa kimuhuviilila uNguluvi kishilila uYeesu Kilisito. Khanji ikivapavila kigakhaana amamanyiso ga vamanyisaaji ava wudehi, vina vakhandi vakwali mu shipuga sha vahuvililaaji va Yeesu. Ikivakumbusa avahuvililaaji kiija umwene akhandi nu Yeesu, ino ndeeno ameenye shiyooli kiija uYeesu akhandi nu muvili gwa muunu ngaja ose, khanji akhandi Lusawo lwa Nguluvi. Ikivakuviilisa avahuvililaaji kiija, vakhava nu wuumi wa shiluta na shiluta, nda vikiyitenekha kimuhuviilila uYeesu. Ikivajovela kiija, avahuvililaaji visakulwa wiila kimugana uNguluvi na kiganana vaveene.
| Umulyango | Gina gakwali mu litaafili ili |
| 1:1-4 | UYeesu yumwene Liswi lya Wuumi |
| 1:5–2:27 | Avahuvililaaji vakhale mu wuvalafu, vave vaanu va Nguluvi va kihuviililwa |
| 2:28–3:24 | Avahuvililaaji vaganane |
| 4:1-21 | Avahuvililaaji vave meeho na vamanyisaaji va wudehi, vayitenekhaje kiiva lumo nu Nguluvi |
| 5:1-12 | Kiwumena uwunansi na kiiva nu wuumi wa shiluta na shiluta |
| 5:13-21 | Amaswi aga wudugo |