Ibalula ya wutasi iya
Yohana
UYeesu yumwene Liswi lya Wuumi
1
1 Tikivakhoma imola isa yula yuna Liswi lya Wuumi,
yuna akhandi akwali kihuma pashiyanso.
a Ose tamupulikhaga na kimwaga kwa meeho geesu yuuse,
tikhandi tikimuloleela na kimupyasa kwa mawokho geesu.
2 Uwuumi uwo wawonekhaga,
na yuuse tawaaga.
Lino tikivabedela na kivakhoma imola isa uyo yuna ikitupeela uwuumi uwo uwa shiluta,
yuna akhandi kwa Wiheesu uNguluvi,
wáwonekha kunyeesu.b
3 Tikivakhoma imola isa Yeesu uyo,
yuna tamwagaga na kimupulikha,
baheene muhanje noose.
Kihanga ukho,
kukwene kiiva lumo nu Wiheesu uNguluvi,
nu Lusawo lwakwec uYeesu Kilisito.d
4 Tikivayandishila omwe ibalula iyi,
baheene ose woona tishendeeve mandu.
Kikhala mu wuvalafu wa Nguluvi
5 Iliswi lina talipulikhaga kwa Yeesu,
lilyene lina tikivakhoma omwe kiija,
uNguluvi yu wuvalafu,
asiina nshiisi yoyoona mukhati yaakwe.
6 Nda tiijova kiija tihanjile nu Nguluvi,
kuno tikiyitenekha kikhala mu nshiisi,
tisiive tiijova wudehi,
khanji tisiigaha ishiyooli.
7 Leelo,
nda tiikhala mu wuvalafu,
ngaja uNguluvi shina ashwali mu wuvalafu,
baheene tisiive tihanjile ose woona.
Khanji idanda ya Lusawo lwakwe uYeesu,
yikituyoosa uwunansi weesu woona.
8 Nda tiijova ose tingaya wunansi wowoona,
tikiyijanga yuuse,
tisiina ishiyooli shoshoona.
9 Leelo,
nda tilambiisila uwunansi weesu,
uNguluvi asitusaajile na kituyoosa uwunansi woona,
kwa kiiva umwene muyinatifu,
khanji munya shiyooli.
10 Nda tije tisigahile wunansi,
tiiva tikimugaha uNguluvi kiija mudehi,
khanji tikilikhaana mandu iliswi lyakwe.