Ibalula ya wuvili iya
Petulo
Imola yina yilongola
Umwanandeje uPetulo wávayandishilaga avahuvililaaji vamonga, pina ameenye kiija ali nkholeela kibudwa. Ulugulumilo lwakwe lukhandi kivakumbusa vahuvililaaji va Yeesu kiija, mu wiikhasi waanave vaveesaje ni njendo sina sikimushendeefya uNguluvi wiila. Mu balula iyi ikivalomba mandu avahuvililaaji kiija, vasikhalekhaga kiyinatila amamanyiso ga Nguluvi nu Yeesu Kilisito. Vagayinatilaje amamanyiso gina vagaposheelaga kunyaakwe, na kwa vaanu avanji vina vamwagaga uYeesu na kimupulikha pina akhandi muumi. Ikivapavila ulwa vamanyisaaji ava wudehi, vina vakhayinsa mu fipuga fya vahuvililaaji. Avamanyisaaji awo vakhandi vimanyisa aga kivayasa avahuvililaaji, kikhala mu njendo imbi na kijova kiija uKilisito asikhayinsa khanji. Leelo uPetulo ikivakuviilisa kiija, shiyooli uKilisito iyinsa. Baheene uNguluvi iyinsa kiyinanganga inyi yoona iya luhaavi ulu, na kiyiwumba inyi imya. Mu nyi iyo uwunansi wusikhava wukwali.
| Umulyango | Gina gakwali mu litaafili ili |
| 1:1-2 | UPetulo ikivahunjila vahuvililaaji va Yeesu |
| 1:3-21 | Ikivakumbusa kiija vashemeliilwe vave vaanu va Nguluvi |
| 2:1-22 | Avamanyisaaji va wudehi |
| 3:1-16 | UYeesu akhayinsa khanji ilisiku limonga |
| 3:17-18 | Amaswi aga wudugo |