Kidiima ishipuga sha vahuvililaaji
5
1 Lino nilogola noomwe vayimililaaji va fipuga fya vahuvililaaji.
One nili muyimililaaji munyeenyu wa shipuga sha vahuvililaaji,
nili mulunjikhaaji wa malava ga Yeesu Kilisito.
Khanji nihuviilila kiposheela uwutupikho lumo nawo,
uluhaavi luna wukhagubutulwa.
Lino nikivalomba mandu omwe kiija,
2 mudiimaje wunofu ishipuga shina uNguluvi avapeelile.
Khanji mushidiimaje kwa numbula ya wushendeefu ngaja shina uNguluvi isakula,
musikhavakhamilisaaji.
Musikhasengaji insengo yeenyu kwa kiiva ya kihombwa na kipata uwusi,
leelo musengaje kwa numbula ya wushendeefu.
3 Musikhavatemaji kwa ngufu avaanu vina mukivalongosa,
leelo uwiikhasi weenyu wuveesaje shihwano shinofu kuveene.
4 UYeesu yumwene Mudimaaji Mukhome wa vaanu vaakwe.
Uluhaavi pina akhawonekha,
mukhaposheela uwutupikho uwa shiluta.
5 Na yuumwe vajeleelo,
vatiilaji avayimililaaji veenyu.
Omwe woona muveesaje vahuugu pina mutanjilisania yuumwe kwa yuumwe,
kwa kiiva aMayandikhwa aManofu giijova,
“UNguluvi ikivakhaana vina vikiyitumfya,
leelo vina vikiyiyiisa ikivapeela imota.”a
6 Lino muveesaje mukiyiyiisa pansi ya liwokho lya Nguluvi,
baheene woope avatufye pina lukhava lwafikha uluhaavi lwakwe.
7 Amalava geenyu goona mulesheli uNguluvi,
kwa kiiva umwene ikivatuna.
8 Muyivavalaje na kiiva meeho luhaavi loona.
Umulugu weenyu uShetaanib iyuluutikha kuno na ukho,
ngaja nyalupala yina yibuluma,
yikimuvenda umuunu yimulye.
9 Lino mukhanyambulaji uShetaani uyo kwa nsila ya kikhangala mu lihuuvi,
ngaja shina mumeenye kiija,
avahuvililaaji vayeenyu mu nyi yoona,
viilava ngaja omwe.
10 UNguluvi avapeelile imota yoona!
Wávashemeelaga omwe,
baheene muhanje nawo mu wutupikho waakwe wa shiluta,
lumo nu Kilisito.
Kwa luhaavi,
mwilava,
leelo umwene akhavajinia,
akhavapeela ingufu,
na kivalunjikha.
11 UNguluvi yumwene ateme shiluta!
Amina.
Inyunjila iya wudugo
12 USilwano,
c muhuvililaaji muyeesu,
muunu muyinatifu ngaja shina nikimwaga,
yumwene wánitanjilisaaga kiyandikha ibalula imfupi iyi.
Nisakula kivajinia na kivabedela kiija,
ishi shiyooli sha mota ya Nguluvi.
Kwa kiiva mumeenye imola iso,
muyiime kwa ngufu kimuhuviilila.
13 Ishipuga sha vahuvililaaji veenyu avagani,
ava mu lijumbi lya Babeelid muno,
vina vahagwilwe nu Nguluvi,
vikivahunjila.
Woope umuswamu wangu mu lihuuvi,
yuna itambulwa Maluko ikivahunjila.
14 Muhunjilanaje kwa lugano lwa shiyooli.
Vahuvililaaji va Kilisito,
uwulindamafu wuve noomwe woona.