Ibalula ya
Yaakobo
Imola yina yilongola
Ibalula iyi yayandikhwagwa nu Yaakobo, ulukholo lwakwe uYeesu. Akhandi muyimililaaji wa shipuga sha vahuvililaaji va Yeesu isha ku Yelusalemu. Wávayandishilaga avahuvililaaji va Yeesu vina vakhandi vapalankheene kihuma ku Yelusalemu kiluta mu majumbi na mu nyi isinji.
Ulugulumilo lwa Yaakobo mu balula iyi, lukhandi kivajovela kiija, ilihuuvi lyanave mwa Kilisito lisakulwa kiwonekha mu nsengo saanave na mu njendo saanave inofu. Khanji ikivamanyisa kimena aga kiyitumfya, ishooyo, uwupafu, amajelo na kiyankhana fivi. Khanji iwonensa uwunofu uwa kiiva vagolofu, kiyiyiisa, kifuunya, kigugumila na kiiva nu wumanyi.
| Umulyango | Gina gakwali mu litaafili ili |
| 1:1 | UYaakobo ikivahunjila avahuvililaaji va Yeesu |
| 1:2-27 | Avahuvililaaji vasingamalaje mu lihuuvi mu luhaavi ulwa kijelwa, vave vaanu va kiyiyiisa mu njowo saanave |
| 2:1-26 | Avahuvililaaji vavasenjelaje wunofu avaanu woona, kusiina kibaagula, vaveesaje ni njendo inofu |
| 3:1–4:12 | Avahuvililaaji vaveesaje nu wumanyi mu njowo saanave na mu mafuunyo gaanave |
| 4:13–5:6 | Amamanyiso ulwa wusi |
| 5:7-20 | Kifuunya na kingʼangʼaanila ilihuuvi mu luhaavi lwa malava |