Ibalula ya Pawulo kwa
Vakolosaayi
Imola yina yilongola
Ilijumbi lya Kolosaayi likhandi ulubali lwa kusikha mwa nyi yina insiku isi yitambulwa Wutuluki. Umwanandeje uPawulo asikhavajendeele avahuvililaaji va mu lijumbi ilyo, leelo wáyandikhaga ibalula iyi, kwa kiiva akhandi apuliishe kiija vakwali avamanyisaaji ava wudehi mu shipuga shila isha vahuvililaaji va Nguluvi. Avamanyisaaji awo vakhandi vimanyisa kiija, avahuvililaaji visakulwa kisiyinatila ingʼoma sa Vayahuudi, ngaja kiyinjisiwa ijando na kivafuunya avamalayikha, baheene vave vikimushendeefya uNguluvi.
Ino uPawulo iyandikha ibalula iyi kivakumbusa avahuvililaaji ava kiija, yikhandi mfwa ya Kilisito yina yavakulusaaga. Ikivakumbusa kiija uKilisito ali kushaanya kwa Nguluvi, ikivatema avamalayikha woona, na fiinu fyona fina fikwali. Lulwene visakulwa kimufuunya uKilisito mwene duguli. Khanji ikivakumbusa kiija, injendo saanave siwonensaaje kiija, aveene vaanu vina vabagwilwe nu Nguluvi.
| Umulyango | Gina gakwali mu litaafili ili |
| 1:1-14 | UPawulo ikivahunjila aVakolosaayi na kimuhonjesa uNguluvi |
| 1:15-23 | Uwukhome wa Kilisito nu wukulukho waakwe |
| 1:24–2:5 | Insengo ya Pawulo mu fipuga fya vahuvililaaji |
| 2:6–3:4 | UKilisito avakulwise avahuvililaaji kihuma mu miikho ga vaanu |
| 3:5–4:1 | Imanyisa shina avahuvililaaji visakulwa kikhala kwa wulindamafu, na kiiva ni njendo inofu |
| 4:2-18 | Inyunjila iya wudugo |