Ibalula ya Pawulo kwa
Vafilipi
Imola yina yilongola
Ilijumbi lya Filipi likhandi ku nyi ya Makedoniya, kunyiikho ya nyi ya Wuyunaani. UPawulo ikhomaga kula (Nsengo sa Vanandeje 16) na kiyansa ishipuga sha vahuvililaaji. Leelo gaganaga kishila maakha manyagalinga ndeeni, uPawulo wádindilwa mu shifungo. Ishipuga sha vahuvililaaji va Yeesu ava ku Filipi, vamutwalilaga ihela. Ndeeno wáyandishilaga ibalula iyi, kivahonjesa kwa kiiva ya kimutwalila umutango.
Khanji mu balula iyi ikivajovela avahuvililaaji kiija, umwene asitiila kiifwa. Ikivakhangasa kiyiima kwa ngufu mu lihuuvi, pina vilafisiwa. Ikivakumbusa kiija uwuumi waanave mwa Kilisito, wuweene shipeelwa shina avapeelile uNguluvi.
| Umulyango | Gina gakwali mu litaafili ili |
| 1:1-2 | UPawulo ikivahunjila aVafilipi |
| 1:3–2:30 | Ikivajovela imola nu wufumbe wuna akhandi afumbiilwe |
| 3:1–4:9 | Ikivajovela kilekha injendo sa ngʼoma isa palwamwandi, vamusakule mandu uYeesu, khanji vave nu wushendeefu mwa Kilisito |
| 4:10-23 | UPawulo ikivahonjesa kwa mutango guna vamupeelaga |