Shina visakulwa kikhala avaana na vasafi vaanave
6
1 Omwe vaana,
vatiilaji avasafi veenyu ngaja shina yisakulwa kwa vaanu vina vamuhuviliile uMutwa uYeesu,
kwa kiiva kigaha ndeeno,
shisheene shiinu shinofu.
2 Indaji iyi iya wutasi ya kitaahisa,
yiija,
“Umutiilaje uwiiho nu maayi waakho,
3 baheene uyimiililwe nu Nguluvi na kikhala maakha minshi mu nyi.”a
4 Na yuumwe vawiheesu,
musikhavaleevaji avaneenyu,
leelo muvasungaje kwa mapavilo ga Mutwa uYeesu na kivamanyisa amamanyiso gaakwe.
Shina visakulwa kikhala avavanda na vatwa vaanave
5 Omwe vavanda,
vatiilaji avatwa veenyu va mu nyi.
Gahaji ndeeno kwa kitiila na kitetema,
kwa wugolofu wa numbula,
ngaja shina mukimusenjela uKilisito.
6 Musikhagahaji ndeeno pina avaanu vikivaloleela,
baheene muyiwonense kiija mufwaya.
Leelo muvatiilaje ngaja vavanda va Kilisito,
muvasenjelaje kwa numbula inofu ngaja shina isakula uNguluvi.
7 Muvasenjelaje kwa wushendeefu,
ngaja mukimusenjela insengo uMutwa uYeesu,
musikhavasenjelaji vaanu hela.
8 Mumanyaje kiija,
uMutwa uYeesu akhamupeela ulutono umuunu yoyoona kwa nsengo yaakwe inofu yina isenga,
ave muvanda awu asili muvanda.
9 Na yuumwe vatwa,
muvagahilaje amanofu avavanda veenyu.
Musikhavatisaaji,
kwa kiiva mumeenye uMutwa waanave nu Mutwa weenyu ali yumo,
ali kushaanya kwa Nguluvi.
Uwuhigo waakwe wa shiyooli kwa vaanu woona,
khanji umwene asibaniilila avaanu.
Insila ya kitovana uwulugu na kimumena uShetaani
10 Ino injowo sa kimaliisisa niijova,
mujinaje mwa Mutwa uYeesu,
na mu ngufu saakwe inkhome.
11 Mufwale amenda goona aga kitovana uwulugu gina mupeelwa nu Nguluvi,
baheene muyisivile mu wusugu woona uwa Shetaani.
12 Gahaji ndeeno,
kwa kiiva uwulugu uwu,
tisitovana na vaanu.
Leelo titovana na malungu aga ngufu imbi isa wutawulilwa,
sina siitema mu nyi iyi iya nshiisi,
na vasulukhali va malungu aga mu nyi yina yisiwonekha bahawuvalafu.
13 Kwa kiiva ya ago,
fwalaji amenda goona aga kitovalilana ku wulugu woona,
gina mupeelwa nu Nguluvi,
baheene mukwiliile kimena nsiku soona,
pina uwunansi wukivayinsila.
Lino,
pina mwamala goona aga kitovana nu wulugu,
mwijina.
14 Ino,
yipinyaji kwa wulugu uwo.
Ishiyooli shive ngaja lukhova mu figudi fyenyu,
ni njendo seenyu sina ngolofu pa Nguluvi,
sive ngaja ngula ya kisivila pa shifuva.
15 Khanji,
ngaja shina umusulukhali ifwala indaatu pina ikiyipinya ku wulugu,
na yuumwe huvililaji iMola iNofu yina yileeta uwulindamafu,
pina mukiyipinya kitovana nu Shetaani.
16 Lumo na ago goona,
muhuvililaji uNguluvi kwa goona.
Yiiva ngaja ingula shina yisenga insengo,
lyope ilihuuvi lisivila indibulo sa mooto sina siihuma kwa Munansi yula uShetaani.
17 Khanji,
posheelaji kwa Nguluvi uwukulukho waakwe ni liswi lyakwe.
Uwukulukho wiiva ngaja nkhofyolo ya shuuma yina umusulukhali ifwala ku wulugu,
yoope iMola iNofu yiiva ngaja panga yina mupeelwa nu Numbula uMunofu.
18 Lino,
fuunyaji luhaavi loona kwa mafuunyo goona,
ngaja shina uNumbula uMunofu ikivalongosa.
Pina mwifuunya,
musikhakhatalaji kivafuunyila avagolofu woona ava Nguluvi.
19 Nifunyilaji na yuune kiija,
uNguluvi ave ikinipeela amaswi ga kilogola,
shila pina nikhava niikhoma ulwa Yeesu Kilisito.
Baheene nive niyalaalisa bila shitiilo iliswi lya wufiho lina uNguluvi wáligubutulaga mu Mola iNofu.
20 One nilogola iliswi ilyo ulwa Yeesu Kilisito,
ilyo lilyene linihonsiise one kidindilwa mu shifungo.
Ndeeno munifunyilaje kwa Nguluvi,
kiija niyiteneshe kiyalaalisa kwa wujimfu ngaja shina nisakulwa.
Amaswi aga wudugo
21 UTikiko lukholo lwesu mugani,
khanji muvanda muyinatifu wa Mutwa uYeesu,
akhavajovela goona,
baheene na yuumwe mumanye shina nikiyitenekha na shina nisenga lino.
22 Lulwene namufilikha kunyeenyu kiija,
avataviilile imola seesu na kivayishilisa.