Ibalula ya Pawulo kwa
Vagalatiya
Imola yina yilongola
IGalatiya yikhandi nyi yina yikhandi paakhati naakhati ya nyi yina mu nsiku isi yitambulwa Wutuluki. UPawulo nu Balinaaba vakhandi viikhoma iMola iNofu ya Yeesu mu nyi ya Galatiya. Avaanu vinshi vayihuvililaga iMola iNofu, vaava vahuvililaaji va Yeesu (Nsengo sa Vanandeje 13–14). Leelo lwaganaga kishila luhaavi, avaanu avamonga vayinsa kivamanyisa avahuvililaaji va Kilisito kiija vave vikisiyinatila indaji ni ngʼoma isa Vayahuudi, khanji vayinjisiwe ijando. Ino uPawulo ikivakumbusa avahuvililaaji kiija, uNguluvi ikivakulusa avaanu woona vina vikimuhuviilila uKilisito, leelo vasili vina viyinatila indaji sa Musa hela. Khanji ikivajovela shina valogolaga avanandeje va Yeesu ku Yelusalemu (Nsengo sa Vanandeje 15).
| Umulyango | Gina gakwali mu litaafili ili |
| 1:1-5 | UPawulo ikivahunjila aVagalatiya |
| 1:6–2:21 | Ikiyisaajila kiija, umwene mwanandeje kwa vaanu vina vasili Vayahuudi |
| 3:1–4:31 | Avahuvililaaji vikulusiwa kwa nsila ya kimuhuviilila uYeesu Kilisito, yisili kwa nsila ya ndaji |
| 5:1–6:10 | Imanyisa ulwa ngʼoma sa vahuvililaaji vina vilongosewa nu Numbula uMunofu |
| 6:11-18 | Amapavilo aga wudugo |