Ibalula ya Pawulo kwa
Vagalatiya
UPawulo ikivahunjila aVagalatiya
1
1 Ibalula iyi yihumile kunyangu one Pawulo yuna nili mwanandeje.
a One nisikhafiliikhwe na vaanu awu kikhamilisiwa nu muunu yumonga.
Leelo nafilikhwagwa nu Yeesu Kilisitob yumwene,
nu Nguluvi uDaada yuna wámufyusaaga uYeesu kihuma kwa vina vafwile.
2 One na vahuvililaaji vayeesu vina tili lumo,
tikivahunjila omwe vina muli mu fipuga fya vahuvililaaji va Nguluvi mu nyi ya Galatiya.
3 Imota nu wulindamafu kihuma kwa Nguluvi uWiheesu nu Mutwa uYeesu Kilisito,
five lumo noomwe.
4 UKilisito wáyihumyaga kiifwa kwa kiiva ya kiwuwuusa uwunansi weesu,
kiija atukuluse kihuma mu mavi goona aga mu nyi iyi.
Shiisho ndeeno uNguluvi uWiheesu shina wádobokhaga.
5 UNguluvi atupikhwe shiluta na shiluta.
Amina!
Kusiina iMola iNofu isinji
6 Vayaa!
One niswiga mandu,
kiiva lwashila luhaavi lufupi hela,
kihuma uNguluvi pina wávashemeelaga kwa mota ya Kilisito,
na shi mwamulekha uNguluvi,
kwa kiyinatila amamanyiso aganji gina avanji viijova Mola Nofu.
7 Leelo amamanyiso ago gasili Mola Nofu,
hata padoodo.
Shiyooli vakwali avaanu vina vikivalulungania omwe,
khanji visakula kiyiseetula iMola iNofu ya Kilisito.
8 Leelo,
hata nda tive yuuse awu umalayikhac kihuma kushaanya,
iyinsa na kivakhoma imola yina yili paayo na yina tavakhomaga,
umuunu uyo ayiijilwe!
9 Nikivajovela omwe khanji ngaja shina tatalaga kivajovela kiija,
nda kuna muunu yumonga ikivakhoma iMola iNofu yina yili paayo na yina mwatalaga kiyiposheela,
umuunu uyo ayiijilwe!
10 Lino wuli,
muhiiva kiija one nisakula kiganwa na vaanu?
Ndaali,
nisakula kiganwa nu Nguluvi mwene duguli!
Naali niveesaje nisakula kivashendeefya avaanu,
ndi nisili muvanda wa Kilisito!
Amamanyiso ga Pawulo giihuma kwa Kilisito
11 Lino vahuvililaaji vayangu,
nisakula mumanye kiija,
iMola iNofu yina navakhomaga one,
yisikhahumile kwa vaanu.
12 IMola iyo nisikhaposheelile kihuma kwa vaanu,
khanji asikhanimanyiise muunu yoyoona.
Leelo uYeesu Kilisito yumwene yuna wánigubutulilaga.
13 Mupuliishe shina nikhandi nishwali uluhaavi luna nikhandi nilwila idiini yangu iya Shiyahuudi,
na shina nikhandi nikivalafya mandu avaanu va shipuga sha vahuvililaaji va Nguluvi,
na kisakula kishibuda khabisa.
14 Shiyooli nikhavamenile avayangu vinshi vina tilingeene amaakha noone kilwililanila idiini yeesu iya Shiyahuudi.
Najimbaga mandu kiyinatila amamanyiso aga vambuyeesu.
15 Leelo kihuma pina nisinaasawe,
uNguluvi wánibagulaga na wánishemeelaga kwa mota yaakwe,
kimusenjela.
16 Wáawona lunofu kinigubutulila uLusawo lwakwed uYeesu Kilisito shina ashwali,
kiija nikhome iMola iNofu yaakwe kwa vaanu vina vasili Vayahuudi.
Uluhaavi ulo nisikhasakwile avaanu va kitavililana shina hambi niigaha.
17 Nisikhalutile ku Yelusalemue kwa vina vanilongolaga one kiiva mwanandeje.
Shina nashigahaga,
gwalimo nalutaga ku nyi ya Alabiya,
lwaganaga kishila luhaavi,
naatina khanji ku lijumbi lya Damesiki.
18 Gaganaga kishila maakha gatatu,
baheene nikhalutile ku Yelusalemu kitangaana nu Petulo.
f Kunyaakwe ukho,
nikhakheele nsiku ishumi na sisaanu.
19 Leelo nisikhavaajile avanandeje avanji,
ila uYaakobo umaame wa Mutwa uYeesu.g
20 Ago gina nikivayandishila,
uNguluvi ameenye kiija nisiideha.
21 Naganaga kiwonana nu Petulo,
nikhalutile ku nyi sa Siliya ni Kilikiya.
22 Uluhaavi ulo avahuvililaaji va Kilisito,
ava mu fipuga fya vahuvililaaji ava ku nyi ya Yudeya,
vasikhanimeenye one.
23 Vasimanyaga seene duguli imola sina vasipulikhaga kiija,
“Umuunu yuna akhandi ikitulafya ulwamwandi,
lino iikhoma ilihuuvi lilila lina akhandi iijesa kilibuda.”
24 Baaho vamusufya uNguluvi kwa kiiva ya gina nikhandi nisenga.