Ibalula ya Pawulo kwa
Vakolosaayi
UPawulo ikivahunjila aVakolosaayi
1
1 Ibalula iyi yihumile kunyangu one Pawulo,
yuna nili mwanandejea wa Kilisitob Yeesu,
ngaja shina akhandi isakula uNguluvi,
lumo nu muhuvililaaji muyeesu,
uTimoteo.
2 Tikivayandishila omwe vabaagule va Nguluvi ava ku lijumbi lya Kolosaayi,
vahuvililaaji vayeesu kwa kilungana nu Kilisito,
vahuvililaaji vayinatifu.
Imota nu wulindamafu kihuma kwa Nguluvi uWiheesu,
five lumo noomwe.
Kifuunya na kihonjesa
3 Wiila pina tikivafuunyila,
tikimuhonjesa uNguluvi,
uDaada wa Mutwa weesu uYeesu Kilisito.
4 Tiigaha ndeeno,
kwa kiiva tipuliishe kiija,
mukimuhuviilila mandu uKilisito Yeesu na kivagana avahuvililaaji woona ava Nguluvi.
5 Ilihuuvi nu lugano ulo,
fipinsiwa nu luhuviililo lwa wuumi wa shiluta luna uNguluvi avavishiile kunyaakwe.
Mwapulikhaga imola isa lihuviililo ilyo,
kihuma ulwamwandi pina mwakhomelwagwa iliswi lya shiyooli,
uluganulo lwakwe iMola iNofu.
6 Imola iyo yina yafikhaga kunyeenyu,
yiyalaalila mu nyi soona.
Yikivaseetusa avaanu ngaja shina yavasetulaga omwe kihuma uluhaavi luna mwapulikhaga imola iya mota ya Nguluvi na kimanya ishiyooli shaakwe shina shishwali.
7 Mwayimanyisaaga iMola iNofu iyo kihuma kwa Epafula,
uyo mugani,
muvanda muyeesu,
khanji yuna isenga insengo ya Kilisito kwa wuyinatifu,
kwa kiiva yeenyu.
8 Umwene wátujovela imola isa lugano lwenyu,
luna lupinsiwa nu Numbula uMunofu.c
9 Kwa kiiva ya ilyo,
tikivafuunyila kwa Nguluvi nsiku soona,
kihuma uluhaavi luna tapulikhaga imola seenyu.
Tikimufuunya uNguluvi kiija,
avapeele mumanye gina isakula mugahe,
kishilila mu wumanyi nu luhala kihuma kwa Numbula waakwe.
10 Baheene mukhale shina idobokha uMutwa uYeesud na kimushendeefya kwa shila nsila.
Khanji mukhome amakhomo kwa kiwonensa insengo inofu,
muyonjelele kimumanya mandu uNguluvi.
11 Tilomba uNguluvi ave ikivajinia kwa ngufu yaakwe inkhome,
kiija mugugumile mu goona kusiina kikhatala.
Ino,
muve nu lushendeewo
12 mukimuhonjesa uWiheesu,
kwa kiiva wávagaha muhanje uwuhaasi wa vabaagule mu Wutwa wa wuvalafu.
13 Atukulwise kihuma mu wutwa wa nshiisi,
atuhamiise na kituyinjisa mu Wutwa wa Lusawo lwakwe,
e uMugani.
14 Kwa kishilila uLusawo lwakwe,
tikulusiiwe,
uluganulo lwakwe kiija,
tisajiilwe uwunansi weesu.
Insengo nu wukhome wa Kilisito
15 UNguluvi iwonekha kishilila uLusawo lwakwe,
hata nda tisikwiliile kimwaga uNguluvi yumwene.
ULusawo lwakwe ana wutawulilwa kwa wuwumbaaji woona.
16 Kishilila kwa mwene,
uNguluvi wáwumbile ifiinu fyona,
fina fili kushaanya na fina fili mu nyi,
fina fiwonekha na fina fisiwonekha,
wuve wutawulilwa,
awu wutwa,
awu wukhome,
awu ngufu.
UNguluvi wáwumbile fyona kishilila kwa Lusawo na kwa kiiva ya yuuyo uLusawo.
17 Umwene akhandi akwali pina fisinawumbwe ifiinu fyona,
khanji ikifigaha ifiinu fyona five shiinu shimo.
18 Umwene mutwe gwa muvili,
uluganulo lwakwe Mutwa wa shipuga sha vahuvililaaji.
Umwene yumwene shiyanso,
khanji wa wutasi kifyukha kihuma kwa vina vafwile,
f
baheene ave wa wutasi mu fiinu fyona.
19 UNguluvi wágahaga ndeeno,
kwa kiiva wádobokhaga kiija,
uwukwilano waakwe woona wuve kwa Lusawo.g
20 Khanji kishilila kwa Lusawo,
uNguluvi wáfilinganiaga ifiinu fyona nu mwene,
yive ifiinu fina fikwali mu nyi awu fina fikwali kushaanya.
Uluganulo lwakwe,
wáviikhaga uwulindamafu kishilila idanda ya Lusawo yina yakunukhaga pa musalaaba.
21 Apo paanyuma na yuumwe mukhandi kutali nu Nguluvi khanji mukhandi valugu vaakwe,
kwa kiiva ya mahiiva ni ngʼoma seenyu imbi.
Leelo lino,
uNguluvi avalingeenie nu mwene,
22 kwa kishilila umuvili gwa Kilisito,
uluganulo lwakwe,
kiifwa kwa mwene.
Wágahaga ndeeno baheene avaleete pamwene muve vagolofu,
kungaya wunansi khanji musipiikhwa.
23 Musiive ndeeno nda mukiyitenekha kimuhuviilila uYeesu.
Muyijiniaje na kiiva ni ngufu,
muluyinatilaje uluhuviililo luna mwapataga kishilila iMola iNofu yina mwapulikhaga.
Iyi yiyeene Mola Nofu yina yakhomwagwa kwa vaanu woona va mu nyi,
khanji one Pawulo nili muvanda wa Mola iNofu iyo.
Insengo sa Pawulo mu fipuga fya vahuvililaaji
24 Lino nishendeevela amalava gangu,
kiiva niilava kwa kiiva yeenyu.
Khanji mu muvili gwangu,
nihanga mu malava ga Kilisito gina gikiyitenekha kwa kiiva ya muvili gwakwe,
shisheene shipuga sha vahuvililaaji.h
25 UNguluvi aniviishile nive muvanda wa shipuga isho sha vahuvililaaji vaakwe,
kiija nivakhome omwe iliswi lyakwe shina lishwali.
26 Iliswi ilyo lilyene lya wufiho,
lina likhandi lifihiilwe kihuma pawukuulu kwa fisafi fyona,
leelo lino,
ligubutwilwe bahawuvalafu kwa vahuvililaaji va Nguluvi.i
27 Awo vaveene vina uNguluvi wádobokhaga kivagubutulila iliswi ilyo ilya wufiho shina lishwali nu wutupikho uwukhome kwa vina vasili Vayahuudi.
Iliswi lya wufiho uwo kiija uKilisito ali mu numbula seenyu,
khanji umwene ikivapeela uluhuviililo kiija,
mukhahanga mu wutupikho wa Nguluvi.