UYeesu iiponia umuunu mu lijuva lya Sabaato
3
1 Uluhaavi ulunji uYeesu wáyinjiile khanji mu nanda iya kifuunyila.
Mu nanda mula,
wáali akwali umuunu yumonga yuna akhandi ana liwokho lina likholoweeshe.
2 AVafalisaayo vakhandi vikimusigama mandu uYeesu,
vamwaje nda asimuponie umuunu yula mu lijuva lya Sabaato,
awu asimuponia.
Nda asimuponie,
vapate insila ya kimusitaakha uYeesu.
3 UYeesu wámujovela umuunu yula umunya liwokho likholoweeshe wáaja,
“Yinsa,
uyiime paakhati naakhati.”
4 Baheene wávaposiise aVafalisaayo vala,
wáaja,
“Indaji seesu sikitutawula kigaha shishi mu lijuva lya Sabaato?
Kigaha inofu awu imbi?
Kiwukulusa uwuumi awu kiwuyasa?”
Leelo aveene vasikhalogwele lyolyona.
5 UYeesu wávangʼalulila ameeho woona kwa nkhalasi,
khanji wásugumilwa mu numbula yaakwe,
kwa kiiva ya numbula saanave saali nyuumu.
Baheene uYeesu wámujovela umuunu yula wáaja,
“Golosa iliwokho lyakho.”
Woope wágolosa iliwokho lyakwe,
baaho lyapona.
6 Baaho aVafalisaayo ava,
vaganile kilwaga ulo,
vahumile kunja lumo na vanandeje va mutwa uHelode,
a vapulinkhane shina vakhasa kimubuda uYeesu.
Avaanu vinshi vikimufwata uYeesu vapate kipona
7 UYeesu na vamanyisiwa vaakwe vayibagwile,
vawuushile viiluta ku lilamba ilikhome.
Ishipuga shikhome sha vaanu kihuma ku Galilaya na ku Yudeya shamufwatile kukula.
8 Khanji avaanu vinshi vina vapuliishe imola sa nsengo sina wásenjile uYeesu,
vaatile kunyaakwe kihuma ku Yelusalemu,
ku Idumeya,
ku mbali sa ku Tiilo na ku Sidoni,
na ku mwambwa ya mukhoga gwa Yolodani.
9 UYeesu wávajovile avamanyisiwa vaakwe kiija,
vavejeese ishipugo,
baheene akhale mula mukhati mu shipugo amanyise,
kiiva avaanu vakhandi vikimuminyiilisa.
10 UYeesu akhandi avaponiise avaanu vinshi,
lulwene avatamu vinshi vamuminyiliise viilwa vamupyase.
11 Avaanu vina vaali vakhatiilwe na malungu,
pina gamwajile uYeesu,
gavagwisiise pa magulu gaakwe,
gakhoolaga gajovaga,
“Owe yuuwe Lusawo lwa Nguluvi.”
12 Leelo wávapavilaga kwa wukhali kiija vasikhayalalisaaga kiija umwene yu naani.
UYeesu ikivabaagula avamanyisiwa ishumi na vavili
13 UYeesu wálutile wátaana ku shidunda,
baheene wávashemeela avaanu vaaluta kwa mwene.
14 Baheene wávabaagula ishumi na vavili,
wávapeela ilitaawa ilya vanandeje,
b na kiija vakhale nu mwene na avafilishe kikhoma imola sa Nguluvi,
15 khanji wávatawuliile uwutawulilwa uwa kidaga amalungu.
16 Avamanyisiwa ishumi na vavili vina wávabagwile uYeesu,
vaveene ava,
uSimoni (yuna uYeesu wámupeelaga ilitaawa lya Petulo),
17 uYaakobo nu Yohana avaana va Sebedayo vina uYeesu wávapeelile ilitaawa lya Bowanelege.
Uluganulo lwa Bowanelege,
lusawo lwa lugulumo.
18 Khanji wávabagwile uAndeleya,
uFilipo,
uBatolomaayo,
uMataayo,
uTomasi,
uYaakobo umushina Alufaayo,
uTadaayo,
uSimoni uMulwila Nyi,c
19 nu Yuuda uIsikaliyoote yuna kuwudugo wámudolelaga uYeesu.
UYeesu nu Belisebuli
20 Baheene uYeesu wáatile ikhaaya yina wáali afishiile lumo na vamanyisiwa vaakwe.
Khanji avaanu vinshi vamukunganiliile.
Avaanu vamemile mandu,
uYeesu na vamanyisiwa vaakwe vaali vikivatanjilisaaga avaanu vala,
lulwene vakunyile na kiilya.
21 Avanyalukholo va Yeesu vapuliishe ku vaanu kiija,
ahansinkheene uluhala,
valutile kimutoola.
22 Avamanyisaaji va ndaji sa Musa ku Yelusalemu vina vakhandi pala vaajova,
“UYeesu ana Belisebuli,
d umukhome wa malungu,
ililungu ilyo lilyene lina likimupeela ingufu isa kigadaga amalungu ku vaanu.”
23 UYeesu wávashemeelile avamanyisaaji vala,
wálogola nawo kwa kihwananisa wáaja,
“UShetaani akwiliile wuli,
kiyidaga yumwene?
24 Avaanu va wutwa wumo nda vatovane,
uwutwa uwo wunanjikha.
25 Hata mu litembe shiisho ndeeno,
nda vanangane,
ilitembe linanjikha.
26 Shilushwali,
nayu Shetaani nda ikigadaga amalungu kwa vaanu,
apo uwutemi waakwe wiiva waasila.
27 Kusiina umuunu yuna akwiliile kiyinjila mu nanda ya muunu umunya ngufu,
kiija amuposhe ifiinu fyakwe nda asimupinyile tangusiina.
Leelo pina wámupinya tangusiina umuunu umunya ngufu,
baheene akwiliile kimupokha ifiinu fyakwe.”
28 Wájovile,
“Shiyooli nikivajovela,
avaanu nda vave vitofola avayaanave na kigaha uwunansi uwunji,
uNguluvi akhavasaajila uwunansi waanave woona.
29 Leelo umuunu yuna ikimutofola uNumbula uMunofu,
uyo uNguluvi asikhamusaajila shiluta,
umuunu uyo iiva ana mukhole gwa wunansi uwo wa shiluta.”
30 UYeesu wájovile ndeeno,
kiiva avamanyisaaji vala vajovile ana lilungu.
Unyina na valukholo lwakwe va Yeesu
31 Baheene umaayi wa Yeesu na valukholo lwakwe vafishile pa nanda yina wáali akwali uYeesu.
Vayiima panja,
baheene vamufilikha umuunu yumonga mukhati amushemeele uYeesu.
32 Ishipuga sha vaanu vina vamupiliime vamujovela uYeesu kiija,
“Umaayi waakho na valukholo lwakho vali panja vikikusakula.”
33 UYeesu wáganile kipulikha wávajovela,
“Umaayi wangu na valukholo lwangu vava naani?”
34 Apo wávaloleelile avaanu vina vaali vamupiliime nkholeela,
wáaja,
“Loleeli,
ava vaveene vamaayi vangu na valukholo lwangu!
35 Kiiva umuunu yoyoona yuna isenga gina idobokha uNguluvi,
uyo yumwene lukholo lwangu,
wulumbu wangu,
khanji yu maayi wangu.”