IMola iNofu iya Yeesu Kilisito
ngaja shina yayandiikhwe nu
Maluko
Imola yina yilongola
Ilitaafili ili wáyandikhaga uMaluko yuna ilitaawa ilinji yu Yohana Maluko. UYeesu pina akhandi ku Yelusalemu, umwene uMaluko akhandi mudiimi, paanyuma wáava mumanyisiwa wa Yeesu. Akhandi nu Pawulo mu nsengo ya kikhoma iMola iNofu ya Yeesu Kilisito. Baheene paanyuma wáava lumo nu mwanandeje uPetulo.
Mu litaafili ili, itaviilila minshi gina akhandi iigaha uYeesu kishila gina akhandi iikhoma. Tikigaaga amabikha gamonga minshi gina wágahaga uYeesu. Wávaponiaga avaanu, wávahumyaga avaanu amalungu na kivasaajila avaanu uwunansi. Ago, giwonensa uwutawulilwa wa Yeesu, kiija umwene wáhumaga kwa Nguluvi. Khanji giwonensa kiija wáyinsaga kiyihumya uwuumi waakwe, avadindulile avaanu vahume mu ngufu sa wunansi.
| Umulyango | Gina gakwali mu litaafili ili |
| 1:1–2:28 | UYeesu itwinisiwa na iyansa insengo yaakwe mu nyi ya Galilaya |
| 3:1–6:56 | UYeesu imanyisa ulwa Wutwa wa Nguluvi, khanji iigaha amabikha mu nyi ya Galilaya |
| 7:1–8:26 | UYeesu iyalaalisa insengo yaakwe kwa vaanu va mu nyi isinji |
| 8:27–10:52 | UYeesu iiluta ku Yelusalemu |
| 11:1–13:37 | UYeesu imanyisa ku Yelusalemu imola sa wutawulilwa waakwe ni nsiku sa wudugo |
| 14:1–15:47 | UYeesu iihigwa na kikhomeelelwa pa musalaaba |
| 16:1-20 | Kifyukha kwa Yeesu |