Baptispu Johanin lampui asāt
3
1 Kaisar Tiberi rēng changna kum sōm lei rangā changna kuma han Pontia Pilat chu Judia rama lal ani na.
Hatuka Herod ha Galili rama lal ani na.
Aparual Philip ha Iturea ram leTrakonitia rama lal ani na.
Hanūk chu Lusania ha Abilini rama lal ani na.
2 Annas le Kaiapha chāizūng ulian achang u lāi han Zakaria nāi pasal Johan akōma philchār rama Pathian chong ahong atunga.
3 Ama chu Jordan dung ravēla khua dām han asēna,
āsia andualna ranga malung ansīrna baptisma ruia chong avarila.
4 Deari Isaia lekhabūna chong anziak ang taka:
“Philchār rama mi hē khat
anthanga,
Puma ranga lampui lei sin u
ro.
Alampui ro ngāi dōra
mandīn u ro.
5 Phāichuam ngāi dōra bit a
om inti.
Mual le tāngpui
dōra andāma om inti.
Lampui anzīk lui ngāi chu
anzīka om inti.
Lampui anrual lui ngāi chu
anruala om inti.
6 Miring dōrān Pathian
sandamna mu unti,”
(Isa.40:3 -5 )
ati na.
7 Hatuka ama kōma baptisma lāk ranga mipui ahong ngāi kōma chong alei rila:
“O nangni marūl tezia ngāi!
Ha taksitna ahong atung ranga āta arot ranga tu mo ana ril u?
8 Malung ansīrna omzia rua anput chunga ansīrna mara diktak manlang u ro:
‘Koini na chipui Abraham chu a om do,’
ti u lāi nō ro.
Asik chu Pathianin hiva lungte ngāi āta ngal hi Abraham anāi ranga aman chang thei.
9 Atun len āta hin thingkung ngāi razunga reipui akop kēng ani zei.
Hanūk chu mara sa dōn lui thingkung kip chu ei antuka moia ei anpei rang ani zei,”
ati na.
10 Hatuka mipuiin:
“Hanle koini ngāi le imo nei thō rang ani zei?”
ati na arakel u na.
11 Amān akōm u na:
“Tukareng kultāi anni adōn ten adōn nōk kōma ansempui rase.
Hanūk chu tukareng nēk sāk adōn takin hantin dēn han ansempui rase,”
ati na amasanga.
12 Hatuka chu siachōi asūr ngāi um baptisma lāk ranga ahong u na:
“Mīnchūpu,
koini le imo nei thō rang ani zei?”
ati na arakel u na.
13 Hatuka amān akōm u na:
“Siachōi nei sūr u rang tuk bāka aliak sūr u nō ro,”
ati pe na.
14 Hantin dēn sipai senkhat um:
“Koini le imo nei thō rang ani zei?”
ati na arakel u na.
Amān amasanga:
“Ranak asong chunga sum sūr u nō ro,
hanūk chu milak athō chunga mi āsia manlō u nō ro.
Hatuka nei lō u tuk lehan malung atāia om u ro,”
ati pe na.
15 Hanūk chu mipuiin achālaka alei manganga Johan aruia ama hi Krista ani mo ni mak mo tāk ati na alei mandon u lāi tak ani na.
16 Johanin amāni ranga amasanga:
“Koi chu tīa baptisma kei na pēk u ani na.
Tenchu ka nēka alian khat la hong intia,
ama chu akekok khitna ri asūt rua ngal ni makung.
Ama kēng Ratha Ānthiang le moia baptisma ana pēk u rang.
17 Sarasi dōra azāp rang le atak dōra sasiara anlūt ranga aralei chu akuta alek zei.
Hatuka arasi dōra chu thi thei lui moia hāla pei inti,”
ati na.
18 Hanūk chu Johanin lungngam sakna chong atetei ātampa aril chunga akōm u na thang ahui arila.
19 Tenchu Johanin Herod lal chu anāipa Philip anungāk Herodi chu dān anthiang luia ei lāk sika le atei atei āsia ei thō ngāi sika angōna.
20 Herodan āsia ei thō ngāi bila hiva hi ei la sapsa chu,
ankhumna ina Johan ei khum hi ani na.
Isua baptisma
21 Hatuka chu mi ngāi dōra baptisma achang suale Isua baptisma achanga.
Hatuka bōr azong lāi tak han chungvān anlonga.
22 Ratha Ānthiang chu vasu anga achunga ahong achuma.
Hanūk chu chungvān āta hē ahong asuaka:
“Nang hi ka Nāi Pasal kei madittak,
na chunga hin achālaka ka rāiasān zei,”
ati na.
Isua achipui ngāi
Mt.1:1 -17
23 Hankēng Isuan sin athō aphut lāi han atōm tiang kum sōm anthum dām akum ni zei ni.
Miring mandon anga ama hi Joseph nāi pasal ani na.
Hatuka Joseph hi Heli nāi
pasal ani na.
24 Heli hi Matthat nāi pasal,
Matthat hi Levi nāi pasal,
Levi hi Melki nāi pasal,
Melki hi Jannai nāi pasal,
Jannai hi Joseph nāi pasal
ani na.
25 Joseph hi Mattathi nāi
pasal,
Mattathi hi Amos nāi
pasal,
Amos hi Nahum nāi pasal,
Nahum hi Esli nāi pasal,
Esli hi Naggai nāi pasal
ani na.
26 Naggai hi Maat nāi
pasal,
Maat hi Mattathi nāi pasal,
Mattathi hi Semein nāi
pasal,
Semein hi Josekh nāi pasal,
Josekh hi Joda nāi pasal ani
na.
27 Joda hi Joana nāi pasal,
Joana hi Rhesa nāi pasal,
Rhesa hi Zerubbabel nāi
pasal,
Zerubbabel hi Shealtiel nāi
pasal,
Shealtiel hi Neri nāi pasal
ani na.
28 Neri hi Melki nāi pasal,
Melki hi Adi nāi pasal,
Adi hi Kosam nāi pasal,
Kosam hi Elmadam nāi
pasal,
Elmadam hi Era nāi pasal
ani na.
29 Era hi Josua nāi pasal,
Josua hi Eliezer nāi pasal,
Eliezer hi Jorim nāi pasal,
Jorim hi Matthat nāi pasal,
Matthat hi Levi nāi pasal
ani na.
30 Levi hi Simeon nāi pasal,
Simeon hi Juda nāi pasal,
Juda hi Joseph nāi pasal,
Joseph hi Jonam nāi pasal,
Jonam hi Eliakim nāi pasal
ani na.
31 Eliakim hi Melea nāi pasal,
Melea hi Menna nāi pasal,
Menna hi Mattatha nāi
pasal,
Mattatha hi Nathan nāi
pasal,
Nathan hi David nāi pasal
ani na.
32 David hi Jessi nāi pasal,
Jessi hi Obed nāi pasal,
Obed hi Boaz nāi pasal,
Boaz hi Salmon nāi pasal,
Salmon hi Nashon nāi
pasal ani na.
33 Nashon hi Amminadab nāi
pasal,
Amminadab hi Rām nāi
pasal,
Rām hi Hezron nāi pasal,
Hezron hi Perez nāi pasal,
Perez hi Juda nāi pasal
ani na.
34 Juda hi Jakob nāi pasal,
Jakob hi Isaak nāi pasal,
Isaak hi Abraham nāi pasal,
Abraham hi Tera nāi pasal,
Tera hi Nahor nāi pasal
ani na.
35 Nahor hi Serug nāi pasal,
Serug hi Reua nāi pasal,
Reua hi Peleg nāi pasal,
Peleg hi Eber nāi pasal,
Eber hi Shela nāi pasal
ani na,
36 Shela hi Kenan nāi pasal,
Kenan hi Arphaksad nāi
pasal,
Arphaksad hi Shem nāi
pasal,
Shem hi Nova nāi pasal,
Nova hi Lamek nāi pasal
ani na.
37 Lamek hi Methusela nāi
pasal,
Methusela hi Enok nāi
pasal,
Enok hi Jared nāi pasal,
Jared hi Mahalalel nāi
pasal,
Mahalalel hi Kenan nāi
pasal ani na.
38 Kenan hi Enos nāi pasal,
Enos hi Seth nāi pasal,
Seth hi Adam nāi pasal,
Adam hi Pathian nāi pasal
ani na.