Un onhaloi ze mhagzin
28
NYEEK jak Moises: 2 Jakun boisraelita bo bina ŋun ŋhaloŋi ŋnsi un ode ze kle ŋolo bo bi hulin, ŋikñeelŋi un onliili. 3 Uni oko un onhaloi onturoi ndei phul NYEEK, kana onu: Ŋhwk ŋmpalalu 2 nkaŋi olur 1 ŋani pka ktap, wojun uminzwi oko pduko oloŋ. 4 Nde pdo wojun na ompalalu 1 ze nfa, antom nde do wojun na oloŋo ze montna. 5 Kana opi ña ka phya na onkilu 1 osi ifor isi trigu inagohi na olitru 1 osi mnsitidos. 6 Uni oko un onhaloi osi wojun unturowi onzañi, untepowi zonkuŋ sinai, ukñeeli un onliili, un onhaloi onturoi osi NYEEK. 7 Na owk ompalalu wo phul un onhaloi osi olitru 1 osi pkem pnhopi phaso zun ze iimna zurun NYEEK. 8 Dolun wojun na ompalalu opugzan nu ze montna, usa o phul un onhaloi osi un ode na un onhaloi okñeeli un onliili, onturoi zuroo, osi NYEEK. 9 Zonu ksaaudu nde phul ŋhwk ompalalu 2, ŋiinz ŋnsi olur 1 ŋani pka ktap, na un onhaloi osi praan na un onhaloi osi un ode osi ŋnlitru 4 ŋnsi ifor indeŋlhi inagoi na mnsitidos. 10 Uni oko un onhaloi osi wojun untorwi ukndolowi kana ksaaudu, na wojun ukndolowi kana onu, na un onhaloi osi praan.ŋun ŋhaloŋi ŋnsi onah pli phalu
11 Zonu oseke ze kana pli, nde phul un onhaloi osi wojun unturoi usi NYEEK, ŋwai 2 na opi okal 1, na ŋmpalalu 7ŋnsi olur 1 Ŋolo uzuuz ŋani pka ktap. 12 Kana oiit okal 1, oka phulo un onhaloi osi un ode osi ŋnlitru 6 ŋnsi ifor indeŋlhi inagohi na mnsitidos, 13 kana ompalalu oiinz onhoi pdoon wojun opka ŋnlitru 2 ŋnsi ifor indeŋlhi inagohi na mnsitidos. Uni o pho un onhaloi onturoi okñeeli un onliili, onzipi zuroo osi NYEEK. 14 Ze kana owai okal opka un onhaloi osi pkem, ŋho pho ŋnlitru 2 ŋnsi pkem kana oiit okal, olitru 1 na psoof olitru zompalalu 1, na olitru 1 na owk ompalalu. Uni o pho un onhaloi osi wojun unturowi onhuloi ze pli phalu zolur uziindan. 15 Asa opbina opi okal injaka un onhaloi osi pjour pjwa zurun NYEEK na un onhaloi osi wojun unturowi.
Un onhaloi osi Paskwa
16 Ze ŋnu 14 ze pli pseke o onah osi Paskwa psi NYEEK. 17 Ze ŋnu 15 opka onah. Ŋnu 7 baña opde opoŋ onhani pka iferment. 18 Zonu oseke opka uzoñnor uiimna. Nde ika lemp un oloŋ zonu ominzun. 19 Nde hulun NYEEK un onhaloi osi wojun unturowi, injaka un onhaloi osi un ode. Un onhaloi ominzi opka ŋwai nkal 2, opi 1 na ŋmpalalu 7 ŋnsi olur 1 ŋani pka ktap. 20 Ze ŋun ŋhaloŋi ŋde ŋho ifor indeŋlhi inagoi na mnsitidos; nde phul ŋnlitru 6 ŋnsi ifor kana owai okal, ŋnlitru 4 ŋnsi ifor kana ompalalu okal. 21 Na ŋnlitru 2 ze kana ompalalu oloŋ ze ŋmpalalu 7 ŋminzŋun; 22 Nde sa o phul uz opi okal injaka un onhaloi antom nde hilun pjouro pjwa. 23 Nde phul ŋun ŋminzŋi, na un onhaloi osi wojun unturowi uknhulowi ze ŋnu uzuuz ze nfa. 24 Hunkran ndeun phul NYEEK un onhaloi osi un ode, na un onhaloi osi wojun unturowi ukñeeli un onliili zurun NYEEK ampka ŋnu 7. Nde sa o phul NYEEK un onhaloi osi wojun unturowi na un onhaloi osi praan oknhuloi kana onuu. 25 Zonu ojaandun nde pka uzoñnor unhimumbi; nde ika lemp un oloŋ zonu ominzun.
Ŋnah ŋnsi ŋun ŋhaloŋi ŋnsi imiŋu
Wojun 23:15-22; Oiimna 16.9-12
26 Zoyaar imiŋu 7 zipi, zonu nde yaunk na un onhaloi osi un ode osi kit khalu ksi NYEEK, nde pka uzoñnor uloŋ unhiimumbi; nde ika lemp un oloŋ zonu ominzun. 27 Nde phyana ŋwai nkal 2, ompalalu 1 okal na ŋhwk ŋmpalalu 7, nkal nkaŋi olur 1 injaka un onhaloi onturoi okñeeli un onliili. 28 Ze un onhaloi osi un ode o pho ifor indeŋlhi inagoi na mnsitidos; nde hul ŋnlitru 6 ŋnsi ifor Kana owai okal, ŋnlitru 3 kana ompalalu okal. 29 Nde ka phul ŋlitru 2 kana owk ompalalu, ze ŋmpalalu 7 ŋndaaŋun. 30 Nde ka phya na opi okal uz, injaka un onhaloi antom pjour nde pjwa. 31 Nde hulun ŋnsaam ŋi na ŋun ŋolo ŋhaloŋi ŋnsi praan, na ŋun boko ŋhaloŋi ŋnsi un ode na ŋun ŋhaloŋi ŋnsi wojun unturoi oknhuloi kana onuu. Nde bambun nde iksoond ŋnsaam, nkaŋi ktap.