Onu osi wojun zonkont pjour pjwa
29
(Wojun 23.23-25) 1 Zonu oseke osi pli pjaandun nde pka uzoñnor uiimna; nde ika dol utihun uloŋo zonu ominzun. O pho onu ndei pluul ikornet. 2 Nde phya na owai okal, ompalalu okal na ŋhwk ŋmpalalu 7, nkal nkaŋi olur 1, ŋolo uzuuz ŋani pka ktap, injaka un onhaloi onturoi okñeeli un onliili zurun NYEEK. 3 Ŋun boko ŋnsi ŋun ŋnde o pho ifor indeŋlhi inagohi na mnsitidos, nde phul ŋnlitru 6 ŋnsi ifor zowai okal, ŋnlitru 4 zompalalu okal. 4 Nde phul ŋnlitru 2 ze kana ŋhwk ŋmpalalu 7 ŋndaaŋun. 5 Nde phya na opi okal zonkont pjour pjwa nde. 6 Ŋnsaam ŋminzŋi uzuuz na un onhaloi onturoi ze ŋnu ŋi knzipŋi na un onhaloi osi ŋun ode, na un onhaloi oknturoi kana onuu, na ŋun ŋhaloŋi ŋnsi olo ŋnsi un onhaloi osi ŋun ode, na praan ze mi ŋhomi, ŋolo ŋo un onhaloi okñeeli un onliili, oknzipi zuroo osi NYEEK.Onu osi wojun zonkont pjour pjwa (Wojun 16; 23.26-32) 7 Ze ŋnu 10 ze pli pjaandun, nde pka uzoñnor unhimumbi antom pbuur na Uzi. Zonu ominzi nde ika de un oloŋ ka nde ika tihuni. 8 Nde phya na owai okal, ompalalu okal 1, na ŋhwk ŋmpalalu 7 nkal ŋnsi olur 1 ŋolo uzuuz ŋani pka ktap injaka un onhaloi onturoi okñeeli un onliili zurun NYEEK. 9 Ŋun boko ŋhaloŋi ŋnsi ŋun ŋnde ŋo pho ifor indeŋlhi inagohi na mnsitidos; wo phul ŋnlitru 6 na owai okal ŋnlitru 4 zompalalu 1, 10 nde phul ŋnlitru 2 ze kana ompalalu ze ŋmpalalu 7 ŋndaaŋun. 11 Nde sa ophya na opi okal zonkont pjour pjwa nde, na ŋnsaam ndei pdoon wojun zonu osi pjour pjwa, na ŋun ŋolo ŋhaloŋi ŋnsi ŋun ŋnde na praan.
Ŋun ŋhaloŋi ŋnsi oku
(Wojun 23.33-44) 12 Ze ŋnu 15 ze pli pjaandun nde pka uzoñnor unhimumbi. Nde ika dol utihun uloŋ zonu ominzun. Ze ŋnu 7 nde ka pdol onah osi NYEEK. 13 Nde ya na ŋwai nkal 13, ŋmpalalu 2 nkal na ŋwk ŋmpalalu 14, ompalalu okal osi olur 1, ŋolo uzuuz ŋozo pka ktap, injaka un onhaloi onturoi okñeeli un onliili, onzipi zuroo osi NYEEK. 14 Ŋun boko ŋhaloŋi ŋnsi ŋun ŋde ŋho pho ifor indeŋlhi inagoi na mnsitidos, ŋnlitru 6 ŋnsi ifor ze kana owai okal 1 ze ŋwai nkal 13 ŋndaaŋun, ŋnlitru 4 ze kana ompalalu 1 ze ŋhwk ŋmpalalu 2 ŋndaaŋun, 15 na ŋnlitru 2 ze kana owk ompalalu ze ŋhwk ŋmpalalu14 ŋndaaŋun. 16 Na opi okal osi un onhaloi osi pjour pjwa, na opi okal uz osi wojun unturowi usi pjour pjwa unhwobi pdolo onzañi, na un lo, onhaloi onturoi ze kana onu na ŋun olo ŋhaloi ŋnsi un ode na praan.
17 Zonu opuguzan nde phya na ŋwai nkal 12, ŋmpalalu 2 nkal, ŋhwk ŋmpalalu 14, nkal ŋnsi olur 1, ŋolo uz ŋani pka ktap, 18 na ŋun boko ŋhaloŋi ŋnsi ŋun ŋnde na praan psi kana ña ze mi ilul boko omi. 19 Nde ya na opi okal uz osi pjour pjwa nde, na un onhaloi onturoi ze kana onu na ŋun olo ŋnsi ŋun ŋnde na praan.
20 Zonu oajzan nde ya na ŋwai nkal 11, ŋmpalalu 2 nkal, ŋhwk ŋmpalalu 14, nkal ŋnsi olur 1, ŋolo uzuuz ŋani pka ktap. 21 Na ŋun boko ŋhaloŋi ŋnsi ŋun ŋnde na praan ze mi ilul boko omi. 22 Nde sa ya na opi okal uz osi pjour pjwa nde ya na un onhaloi onturoi ze kana onu na ŋun olo ŋhaloŋi ŋnsi ŋun ŋnde na praan.
23 Zonu owakna nde phya na ŋwai nkal 10, nkal ŋnsi olur 1, ŋolo uzuuz ŋozo pka ktap. 24 Na ŋun boko ŋhaloŋi ŋnsi ŋun ŋnde na praan, ze ña aloŋ ze mi ilul boko omi. 25 Nde sa ophya na opi okal uz osi pjour pjwa nde, na un onhaloi onturoi ze kana onu na ŋun olo ŋhaloŋi ŋnsi ŋun ŋnde na praan.
26 Zonu oñinzan nde phya na ŋwai nkal 9, ŋmpalalu nkal 2 ŋhwk ŋmpalalu 14, nkal ŋnsi olur1 ŋolo uzuuz ŋani pka ktap. 27 Na ŋun boko ŋhaloŋi ŋnsi ŋun ŋnde na ŋnsi praan ze mi ilul boko omi. 28 Nde sa ophya na opi okal uz osi pjour pjwa nde, na un onhaloi onturoi osi kana onu na ŋun olo ŋhaloŋi ŋnsi ŋun ŋnde na praan.
29 Zonu opaajun nde phya na ŋwai nkal 8, ŋmpalalu 2 nkal, ŋhwk ŋmpalalu 14, nkal ŋnsi olur 1 ŋani pka ktap. 30 Na ŋun boko ŋhaloŋi ŋnsi ŋun ŋnde na praan. ze mi ilul omi. 31 Nde sa ya na opi okal osi pjour pjwa nde, na un onhaloi onturoi ze kana onu na ŋun olo ŋhaloŋi ŋnsi ŋun ŋnde na praan.
32 Zonu ojaandun nde phya na ŋwai nkal 8, ŋmpalalu 2 nkal, ŋhwk ŋmpalalu 14, nkal ŋnsi olur 1 ŋani pka ktap. 33 Na ŋun boko ŋhaloŋi ŋnsi un ode na praan ze kana ña ze mi ilul boko omi. 34ŋ Nde sa o phya na opi okal osi pjour pjwa nde, na un onhaloi onturoi osi kana onu na ŋun olo ŋhaloŋi ŋnsi ŋun ŋnde na praan.
35 Onu obakrin o pho onu osi onah nde, nde zo pdol utihun uloŋo. 36 Nde phya na owai okal, ompalalu 1 na ŋhwk ŋmpalalu 7, ŋiinz ŋnsi olur 1, ŋolo uzuuz ŋozo pka ktap, injaka un onhaloi onturoi oñeeli un onliili, onzipi zuroo osi NYEEK. 37 Ŋun ŋhaloŋi ŋnsi ŋun ŋnde na ŋun ŋnsi praan ŋwai nkal, ŋmpalalu, ŋhwk ŋmpalalu, nka pho ze mi ilul boko omi. 38 Nde sa yana opi okal osi pjour pjwa nde, na un onhaloi onturoi kana onuu, ŋun olo ŋhaloŋi ŋnsi ŋun ŋnde na un osi praan.