Lìù tə nə pɩ̀à sáŋʋ́ bubwiə
54
1 Gwàgá yáá tíú gwaran, ba nə nuŋə də gwaran zɩla, ba nə san də ŋoni. Davidə bʋra.2 Kʋ yɩn máŋá tə wa, Zifə tɩ̀án nə vəli ba swɩ̀n Sayulə con, də Davidə səgə ba con.
Davidə swɩ̀n, ʋ wʋ́:
3 «À tíú Yɩɩ, tàá n tətə yɩrɩ, n jon nə,
Ja n dɩ̀àn tə, n ma bʋ̀rɩ̀ n pa nə!
4 À tíú Yɩɩ, cʋgʋ à lòrí tə,
Guni n zɩɩn, n cʋgʋ à nii sʋ̀ràn tə!
5 Cɩ́gá, vərə zàn ba zɩga à nə,
wʋlʋnyɩna pɩ̀à, sə ba lɩ à mɩɩ.
Yɩɩ yoo tə̀lə́ ba pubʋŋa wa mɩ́ámɩ́án.» Zɩgɩ sìí bwálɩ́.
6 Nə̀ń, Yɩɩ nə yɩ à sáŋʋ́,
Yuu-Tiu wulə də lɩ̀à tə nə cɩ̀ à mɩɩ tə nə.
7 Yɩɩ wá pa yolwan pìí kʋ yí lɩ̀à tə nə bʋlɩ à nə.
Ʋ wá twá ʋ nə yɩ təgətəgə nə,
ʋ cʋ̀gʋ̀ ba mama mɩ́ámɩ́án.
8 À wá fwa jwəŋə à pa mʋ́ də pupwən.
Ba-Yígúrə́-Jə-Tiu, à wá bʋ n yɩrɩ tə nə,
n nə ziən tə yɩrɩ.
9 Cɩ́gá, n jon nə jɩgwarʋ yiri mama wa,
à ga na nətʋ tə, à nə dí dɩ̀àn à dʋŋa yuu wa.