Cada tribu* okititijkej kanon kitlalis icampamento
2
ToTEKO okijli Moisés iuan Aarón in tlanauatiltin:
2 “On israelitas nochachantiskej uejkatsin de iyeualkan on tabernáculo* kampa nejua ninemi.
Cada se nokauas itech ibandera iclan* niman itech ibandera itribu*.
3-8 ’Kampaka ikisayan tonaltsintli de on tabernáculo,
nochachantiskej on yeyimej tribus yejuan kiktiskej ibandera Juda.
Nikan onkaj imintoka on tribus niman imintoka intlayekankauan on tribus:
| Truibus | Tlayekankej | Tlapoualtin |
| Judá | Naasón, itelpoch Aminadab | 74,600 |
| Isacar | Natanael, itelpoch Zuar | 54,400 |
| Zabulón | Eliab, itelpoch Helón | 57,400 |
9 ’Ijkin notekpanaskej on yeyi tribu* yejuan kitokaskej ibandera Juda.
Yejuamej nemij 186 mil 400 yejuan tlakamej,
niman in yeyi tribu* yejua achtoj kisas ijkuak yaskej.
10-15 Kampaka sur de on tabernáculo,
nochachantiskej on yeyi tribus yejuan kiktiskej ibandera Rubén.
Nikan onkaj imintoka on tribus niman imintoka intlayekankauan on tribus:
| Tribu | Tlayekankej | Tlapoualtin |
| Rubén | Elisur, itelpoch Sedeur | 46 mil 500 |
| Simeón | Selumiel, itelpoch Zurisadai | 59 mil 300 |
| Gad | Eliasaf, itelpoch Reuel | 45 mil 650 |
16 Ijkin notekpanaskej on yeyi tribu* yejuan kitokaskej ibandera Rubén.
Yejuamej nemij 151 mil 450 yejuan tlakamej,
niman in yeyi tribu* yejua ika ome kisas ijkuak yaskej.
17 ’Kemaj tetokaskej on levitas.
Yejuamej kiktiskej on tabernáculo.
Ijkon yejuamej yaskej intlajkotian on naui campamentos de on matlaktli uan ome tribus.
’Yaskej tekpantiaskej ken tekpantokej kampa chantij,
niman cada campamento kitokas ibandera.
18-23 Kampaka ikalakiyan tonaltsintli de on tabernáculo,
nochachantiskej on yeyimej tribus yejuan kiktiskej ibandera Efraín.
Nikan onkaj imintokaj on tribus niman imintoka intlayekankauan on tribus:
| Truibus | Tlayekankej | Tlapoualtin |
| Efraín | Elisama, itelpoch amiud | 40,500 |
| Manasés | Gamaliel, itelpoch Pedasur | 32,200 |
| Benjamín | Abidán, itelpoch Gedeoni | 35,400 |
24 ’Ijkin notekpanaskej on yeyi tribu* yejuan kitokaskej ibandera Efraín.
Yejuamej nemij 108 mil 100 yejuan tlakamej,
niman in yeyi tribu* yejua ika yeyi kisas ijkuak yaskej.
25-30 Kampaka norte de on yektiopan nochachantiskej on yeyimej tribus yejuan kiktiskej ibandera Dan.
Nikan onkaj imintokaj on tribus niman imintoka intlayekankauan on tribus.
| Tribus | Tlayekankej | Tlapoualtin |
| Dan | Ahiezar, itelpoch Amisadai | 62,700 |
| Azer | Pagiel, itelpoch Ocrán | 41,500 |
| Neftalí | Ahira, itelpoch Enán | 53,400 |
31 ’Ijkin notekpanaskej on yeyi tribu* yejuan kitokaskej ibandera Dan.
Yejuamej nemij 157 mil 600 yejuan tlakamej,
niman in yeyi tribu* yejua sa ika nochi kisas ijkuak yaskej.”
32 On tlapouajli kijtoua keskimej tlakamej katkaj intech on chanejkej israelitas yejuan okimpojkej nochimej yejuan ueliskej yaskej ken soldados ipan guerra.
Ichkichin onoteketsato on tlapouajli:
603 mil 550 tlakamej.
33 Pero on levitas xteuan okimpojkej ijkon ken toTEKO okinauatij Moisés.
34 On israelitas okichijkej nochi ken toTEKO okinauatij Moisés.
Ijkon tej,
cada tribu* onochachantijkej itech iminbandera ken okinmijlijkej.
Niman ijkuak nejnemiyaj,
yayaj cada se iuan iclan* niman iuan ifamilia.