Hura Yohanes to Pamulana
Popailodoa
Mantuku to iulira to Karahitee owi, hura ei laitulihi rasul Yohanes i ngata Efesus. Tempo ee mai, natua mpuumi Yohanes.
Yohanes notulihi hura ei mai, apa tempo ee mai nariara guru agama to moma nakono bulara nangkeni patudu to nahala (2:18-19). Guru-guru agama to moma nakono ee mai nanguli ane kakonona Kristus moma-'I nawali hadua manuhia, wule tari-Na ewa hadua manuhia (4:1-3). Iulira mui nau madaa ingkuta, moma mongkua, apa wotota moto to nadaa naupawee inohata moma nadaa. Rasul Yohanes nanguli ane humawee patudura ee nahala (3:4-10). Iulina mui Yohanes ane Yesus ee mai Ana Alatala to nawali manuhia (4:9-15). Ane laincanita Alatala, tantu mokaingkuta ewa Hia . Batuana, mentuutamo mobabei doha, taturuhi humawee parenta-Na pade matuwuta momepotowe (2:3-6).
Patuju Yohanes notulihi hura ei mai mamala tabaha rara 1 Yohanes 5:13, to iwei monina, “Humaweena ei laitulihiku hi komi to neparahaya hi Ana Alatala, bona mincani ane laitarimamimi katuwua to moma maria kahuduana.” Rara hura ei laibahata bahangkua tanda bo bakena to mampakaroho rarata, bona tancani ane laikamitami katuwua to moma maria kahuduana (1:7; 2:3-6, 10; 3:7-10, 14, 19-24; 4:6, 13-17; 5:1-5, 10-13, 18-20). Ane taparahaya Pue Yesus, momatamo makai marata hi Alatala (4:17-18).
Ihi buku ei
1. Pohabi rasul nangkambelai Lolita to nepakatuwu (1:1-4)
2. Kita kana matuwu i rara baa Alatala (1:5–2:27)
3. Ana-ana Alatala pade ana-ana Magau Heta (5:6-12)
4. Kana momepotoweta (4:7-21)
5. Tau-tauna to neparahaya hi Yesus nampadagi pehori i dunia pade nantarima katuwua to moma naria kahuduana (5:1-21)