Izirayɛli nagoo pu wo kaleŋɛɛ kee
23
Ayiwa, a Tɛhɛnɛ Baa Kilɛ di Musa pye: 2 «Yi jo Izirayɛli nagoo pu mu na: ‹Kaleŋɛɛ kiimu yee ya yaa na byi kee di ɲɛ nɛ Tɛhɛnɛ Baa Kilɛ wogoo ki ge, kee kaleŋɛɛ kiimu ni yee ya yaa na sipyiire ti yiri pinnɛ, na nɛ pɛlɛ ge, kee ki wa mɛ.›»Cadɛɛngɛ ki wo kalenɛ le
3 «‹Baari na ba byi cabyaa gbaara funŋɔ ni, ga caŋa gbarashuun wogo ke, kee na ba bye cadɛɛngɛ*. Yi ganha bu labye wa shishiin pye kee caŋa wɛ. Sipyiire tʼa yaa na pinnɛ na nɛ Tɛhɛnɛ Baa Kilɛ pɛlɛ. Kee ɲɛ Tɛhɛnɛ Baa Kilɛ wo cadɛɛngɛ ke, yi tatiinyɛ yi bɛɛri ni.*›»
Ɲuwuuro Kalenɛ le ni Shizhɛnhɛrɛ Baa Buuri Kalenɛ le
4 «‹Yee ya yaa na kaleŋɛɛ kiimu pyi ki pyeduun ni nɛ Tɛhɛnɛ Baa Kilɛ mu, na sipyiire ti pinnɛɛ yee caya yi na, na Tɛhɛnɛ Baa Kilɛ pɛlɛ ge, kee ki wa kiiri. 5 Yee li yeŋɛ nizhiige ki cabyaa kɛ ni shishɛɛrɛ wu caŋa ki wo yakoŋɔ ke, kee na ba bye Ɲuwuuro Kalenɛ* le, yi na ba lee pyi Tɛhɛnɛ Baa Kilɛ mu.* 6 Ki cabyaa kɛ ni kaguro wu na ba bye Shizhɛnhɛrɛ Baa Buuri Kalenɛ le, Tɛhɛnɛ Baa Kilɛ mu. Yi na ba shizhɛnhɛrɛ baa buuri li fo na shɛ da cabyaa gbarashuun.* 7 Cazhiige ki na sipyiire ti na ba binnɛ, na nɛ Tɛhɛnɛ Baa Kilɛ pɛlɛ. Yi ganha bu kanhama baari wa shishiin pye kee caŋa wɛ. 8 Yi na ba saraya nizogoyo wo na gaan Tɛhɛnɛ Baa Kilɛ mu fo na shɛ da cabyaa gbarashuun. Caŋa gbarashuun wogo ki na sipyiire ti na ba binnɛ na nɛ Tɛhɛnɛ Baa Kilɛ pɛlɛ. Yi ganha bu kanhama baari wa shishiin pye kee caŋa wɛ.›»
Shinmashiimɛ wu wo kalenɛ le
9 A Tɛhɛnɛ Baa Kilɛ di Musa pye sanha na: 10 «Yi jo Izirayɛli nagoo pu mu na: ‹Fiige kemu nʼa da ba gan yi mu ge, yi ba shɛ jé ki ni tuun wemu ni, yi ba da da yalɔɔrɔ ti luu, yi ma fɛnhɛ shɛ yi shinma wu nabaaa nizhiinɛ li kan saraya ɲaha shɔɔnrivɔɔ wu mu. 11 Wu na ba li kan Tɛhɛnɛ Baa Kilɛ mu, na li yirige, na li figi figi Tɛhɛnɛ Baa Kilɛ ɲaha tàan, kɔnhɔ yi saraga kʼi jo. Cadɛɛngɛ ki ɲimuguro ti na saraya ɲaha shɔɔnrivɔɔ wʼa da ba nabaab li figi figi Tɛhɛnɛ Baa Kilɛ ɲaha tàan. 12 Caŋa kemu yʼa da ba nabaac li wolo gan Tɛhɛnɛ Baa Kilɛ mu ge, yʼi yee nigin dubyapoo manɛ baa wo wolo pye saraga nizogoŋɔ Tɛhɛnɛ Baa Kilɛ mu. 13 Yʼi myɛviinmɛ kiloo gbaara tɔnhɔ sìnmɛ ni yi pye kee wo shinma saraga nizogoŋɔ Tɛhɛnɛ Baa Kilɛ mu. Yee wo nugo kʼa dan Tɛhɛnɛ Baa Kilɛ ni. Yʼi duvɛn litiri nigin ni taaga pye kee wo saraga niwoŋɔ. 14 Yi ganha ga shinmafomɔ pye buuri di lii, kelee na wu káa, kelee na wu niburege kun, na ta yi ya fɛnhɛ shɛ nabaa nizhiinɛ li kan yi Kilɛ wu mu saraga wɛ. Saliya wu ɲɛ wii yi kadugo shi nibama wu mu, yi tatɛɛnyɛ yi bɛɛri ni, wemu da ga yìri wɛ.›»
Cewuu ki wo kalenɛd le
15 «‹Na co cadɛɛngɛ ki ɲimuguro ti na, caŋa kemu yʼa shɛ nabaa nizhiinɛ li kan, pʼi li figi figi Tɛhɛnɛ Baa Kilɛ ɲaha tàan ge, yʼi cewuu gbarashuun tɔrɔ, na co kee caŋa ki na.* 16 Yʼi cabyaa kɛlɛɛ kaguro (50) tɔrɔ fo na shɛ nɔ cadɛɛngɛ gbarashuun wogo ki wo ɲimuguro ti na. Ayiwa, cabyaa kɛlɛɛ kaguro (50) wʼa fani caŋa kemu ge, yʼi shinma saraga kabɛtii wolo kan nɛ Tɛhɛnɛ Baa Kilɛ mu. 17 Yi ba ni buuri ɲuyɔ shuun shuun ni na yìri yi tatiinyɛ yi ni, yʼi ba yee kan Tɛhɛnɛ Baa Kilɛ mu, pʼi yi figi figi wu ɲaha tàan. Yʼi wee buuri wu yàa ni myɛviinmɛ ni, buuri ɲuŋɔ ka bɛɛri myɛviinmɛ kiloo taanri, na shizhɛnhɛrɛ le wu ni. Wee na ba bye yi wo shinmafomɔ wu bɛɛri wo buuri nizhiimɛ na kan Tɛhɛnɛ Baa Kilɛ mu. 18 Yʼi yee nigin nigin dubyapepinyɛ gbarashuun, manɛ baa woyo, ni nupepinŋɛ nigin, ni dubyapee shuun wolo pye saraga nizogoŋɔ Tɛhɛnɛ Baa Kilɛ mu, yi ni yi myɛ saraga ni yi duvɛn saraga. Yee wo nugo kʼa dan Tɛhɛnɛ Baa Kilɛ ni. Yʼi kee saraga ki bɛ wolo yi fara buuri wu wogo ki na. 19 Yʼi sikapoo nigin wolo, wee di bye jurumu yafa saraga, yʼi yee nigin nigin dubyapepinyɛ shuun wolo yi pye ɲaɲiŋɛ saraga. 20 Saraya ɲaha shɔɔnrivɔɔ wu na ba yee kan Tɛhɛnɛ Baa Kilɛ mu, na yi figi figi Tɛhɛnɛ Baa Kilɛ ɲaha tàan na fara shinmafomɔ wu bɛɛri wo nizhiimɛ wu wo buuri wu na. Yee na ba yaha nɛ Tɛhɛnɛ Baa Kilɛ yahama ni, yee na ba bye saraya ɲaha shɔɔnrivɔɔ wu woyo. 21 Yi na ba sipyiire ti pinnɛ kee caŋa ke, na nɛ Tɛhɛnɛ Baa Kilɛ pɛlɛ. Yi ganha bu kanhama baari wa shishiin pye kee caŋa wɛ. Saliya wu ɲɛ wii yi kadugo shi nibama wu mu, yi tatɛɛnyɛ yi bɛɛri ni, wemu da ga yìri wɛ.
22 «‹Yi ba yalɔɔrɔ ti ɲɔ kɔn na luu yi wo fiige ki ni tuun wemu ni, yi ma kɛrɛyɛ yi koɲɔgoyo yi wo shinma wa yaha wà kɔn baa. Shinma kaya yemu bɛ yʼa shɔ shɔ to, kelee pu na toro toro yi tàan kɔn baa ge, yi ganha bu tɛyɛ yi fugi fugi yee bɛ fɛni wɛ. Yi na ba yee bɛɛri yaha wà funmɔ fɛɛ ni nadadiinmɛɛ pu mu. Nɛ wu ɲɛ Tɛhɛnɛ Baa Kilɛ, yi Kilɛ we.›»*
Maya wi wi wo kalenɛ le
23 A Tɛhɛnɛ Baa Kilɛ di Musa pye: 24 «Yi jo Izirayɛli nagoo pu mu na: ‹Yee li yeŋɛ gbarashuun wogo ki wo cazhiige ke, kee na ba bye yi mu cadɛɛngɛ. Yi na ba yiyɛ funyɔ tun ni na kaa ni, na maya wi kee caŋa, na sipyiire ti pinnɛ, na na pɛlɛ. 25 Yi ganha bu kanhama baari wa shishiin pye kee caŋa wɛ, yʼi saraya nizogoyo wolo kan Tɛhɛnɛ Baa Kilɛ mu.›»
Jurumu Yafa wo Kalenɛ le
26 A Tɛhɛnɛ Baa Kilɛ di Musa pye sanha na:* 27 «Kee yeŋɛ gbarashuun wogo ki wo caŋa kɛ wogo ki na ba bye Jurumu Yafa wu wo Caŋa ke. Sipyiire ti na ba binnɛ, na nɛ Tɛhɛnɛ Baa Kilɛ pɛlɛ. Yi na ba suun le, na saraya nizogoyo wolo Tɛhɛnɛ Baa Kilɛ mu. 28 Yi ganha bu kanhama baari wa shishiin pye kee caŋa wɛ, bani Jurumu Yafa wu wo Caŋa ki ɲɛ kii, kee caŋa ke yee wo jurumu yafa wu wo yaaŋa kʼa da bye Tɛhɛnɛ Baa Kilɛ, yi Kilɛ wu ɲaha tàan. 29 Sipya bɛɛri wʼa pye suun lebaa kee caŋa ge, weefɔɔ niŋɛ na gɔn wolo wu sipyii pu ni. 30 Sipya bɛɛri wʼa labye tuugo bɛɛri pye kee caŋa ge, nɛ na ba weefɔɔ kyɛɛgi na foro wu wo sipyii pu ni. 31 Yi ganha bu labye wa shishiin pye wɛ. Wee ɲɛ saliya wemu da ga yìri wɛ, yee ni yi kadugo shi nibama wu bɛɛri mu, yi tatiinyɛ yi bɛɛri ni. 32 Kee caŋa ki na ba bye cadɛɛngɛ yi mu, ba yi wo cadɛɛngɛ ka ɲɛ wɛ. Yi na ba suun le. Na co yeŋɛ ki caŋa gbarashɛɛrɛ wogo ki wo yakoŋɔ ki na, fo na shɛ nɔ ki ɲimuguro ti wo yakoŋɔ ki na, kee na ba bye yi mu cadɛɛngɛ.»
Buguloo pu wo kalenɛ le
33 A Tɛhɛnɛ Baa Kilɛ di Musa pye:* 34 «Yi jo Izirayɛli nagoo pu mu na: ‹Yee li yeŋɛ gbarashuun wogo ki wo caŋa kɛ ni kaguro wogo ki na ba bye buguloo pu wo kalenɛ li ɲɔkɔɔnrɔ. Yi na ba lee kalenɛ li pye na ta cabyaa gbarashuun Tɛhɛnɛ Baa Kilɛ mu. 35 Li cazhiige ki na, sipyiire ti na ba binnɛ, na Tɛhɛnɛ Baa Kilɛ pɛlɛ. Yi ganha bu kanhama baari wa shishiin pye kee caŋa wɛ. 36 Yi na ba saraya nizogoyo wo Tɛhɛnɛ Baa Kilɛ mu fo na shɛ da cabyaa gbarashuun. Caŋa gbarataanri wogo ki na, sipyiire ti na ba binnɛ sanha, na nɛ Tɛhɛnɛ Baa Kilɛ pɛlɛ, na saraya nizogoyo wolo na mu. Tee fɛfɛɛrɛ pinnɛrɛ ti bɛ caŋa yi ganha bu kanhama baari wa shishiin pye wɛ.
37 «‹Ayiwa, kii ki wa Tɛhɛnɛ Baa Kilɛ wo kaleŋɛɛ kee. Yi na ba sipyiire ti pinnɛɛ na ki gbuu, na pɛɛŋɛ tɛri Tɛhɛnɛ Baa Kilɛ na. Pu na ba ma ni yakanya ni yemu na ba sòrogo nɛ Tɛhɛnɛ Baa Kilɛ mu ge, saraya nizogoyo, ni myɛ saraya, ni saraya, ni duvɛn saraya, yi bɛɛri di da wo yi cawuuyo na. 38 Yee saraya ye na ba wo na fara Tɛhɛnɛ Baa Kilɛ wo cadɛɛnyɛ yi wo saraya yi na, ni yi wo ma yakanya ye, ni yi wo ɲɔfaaya ye, ni yi wo daan na mu yakanya ye, yʼa yemu wo na gaan Tɛhɛnɛ Baa Kilɛ mu ge.
39 «‹Yee li yeŋɛ gbarashuun wogo ki caŋa kɛ ni kaguro wogo ke, ba yʼa yalɔɔrɔ ti lɔ xɔ wɛ, yʼi Tɛhɛnɛ Baa Kilɛ wo kalenɛ li gba fo cabyaa gbarashuun. Kalenɛ li cazhiige ki na ba bye cadɛɛngɛ, li caŋa gbarataanri wogo ki bɛ na ba bye cadɛɛngɛ.* 40 Kalenɛ li cazhiige ke, yi na ba tige yasɛyɛ nijeye ya kɔn, ni tamali geye, ni tiye yemu wo geye yʼa tɔ ge, ni dugo tiire ta wo geye, yʼi funyɔ taan fo cabyaa gbarashuun nɛ Tɛhɛnɛ Baa Kilɛ, yi Kilɛ wu ɲaha tàan. 41 Yee bɛɛri yi na ba lee kalenɛ le gbuu cabyaa gbarashuun funŋɔ ni, na pɛɛŋɛ tɛri Tɛhɛnɛ Baa Kilɛ na. Saliya wu ɲɛ wii wemu da ga yìri wɛ, yi ni yi kadugo shi nibama wu bɛɛri mu. Yee li yeŋɛ gbarashuun wogo ki ni yʼa da ba li gbuu. 42 Yi na ba shuun buguloo ni fo cabyaa gbarashuun. Izirayɛli nagoo pu bɛɛri na ba shuun buguloo ni, 43 kɔnhɔ yi kadugo shi nibama wu bɛɛri di ba li cɛ na tuun wemu ni nɛ Izirayɛli nagoo pu yeege Misira fiige ki ni ge, na buguloo ni nɛ bi pu pye pu na shuun. Nɛ wu ɲɛ Tɛhɛnɛ Baa Kilɛ, yi Kilɛ we.›»
44 Ayiwa, Izirayɛli nagoo pʼa yaa na kaleŋɛɛ kiimu pyi, pu da pɛɛŋɛ tɛri Tɛhɛnɛ Baa Kilɛ na ge, a Musa di kee shɛ pu na lee shɛgana li na.