Saraga kemu kʼa yaa na wo Maga Wi Wi Kalenɛ li ni ge
29
«Ayiwa, yee li yeŋɛ gbarashuun wogo ki wo cazhiige ke, sipyiire ti bɛɛri na ba fɛfɛɛrɛ pinnɛgɛ ka pye. Yʼi yi wo kapyeŋɛɛ ki yereŋɛ kee caŋa. Yʼi da maya wi kee caŋa. 2 Yʼi nupepinŋɛ nigin ni dubyapoo nigin, ni yee nigin dubyapepinyɛ gbarashuun wolo pye saraga nizogoŋɔ Tɛhɛnɛ Baa Kilɛ mu. Yi bɛɛri di bye fɛ baa woyo. Yee wo sòrogo sòrogo nugo ki wa dan wu ni. 3 Yʼi yi wo myɛ saraga ki bɛ tɔnhɔ sìnmɛ ni yi fara yi na. Nupepinŋɛ ki ɲɛ farini myɛ kiloo gbarashɛɛrɛ, dubyapoo wu ɲɛ farini myɛ kiloo gbaara, 4 yee nigin dubyapepinŋɛ ka bɛɛri ɲɛ farini myɛ kiloo taanri. 5 Yʼi sikapoo nigin bɛ wolo yi pye jurumu yafa saraga, kɔnhɔ jurumu yafa wo yaaŋa kʼi bye yi mu. 6 Kee saraga ke na ba wolo na fara yevorovoŋɔ wo saraga nizogoŋɔ ke ni ki myɛ saraga ki na, ni ɲiga bɛɛri wo saraga nizogoŋɔ ke ni ki myɛ saraga ki na na fara yi duvɛn saraga niwoŋɔ ki na, na saha ni yi bɛɛri wo kodorogoo ki ni. Saraga nizogoyo yi ɲɛ yii yemu nugo ya dan Tɛhɛnɛ Baa Kilɛ ni ge.»Saraga kemu kʼa yaa na wo jurumu yafa wo caŋa ki na ge
7 «Ayiwa, yee li yeŋɛ gbarashuun wogo ki wo caŋa kɛ wogo ke, sipyiire ti bɛɛri di ba fɛfɛɛrɛ pinnɛgɛ ka pye kee caŋa ki bɛ, pʼi suun le, pʼi pu wo kapyeŋɛɛ ki yereŋɛ. 8 Yʼi nupepinŋɛ nigin ni dubyapoo nigin, ni yee nigin dubyapepinyɛ gbarashuun wolo pye saraga nizogoŋɔ Tɛhɛnɛ Baa Kilɛ mu. Yi bɛɛri di bye fɛ baa woyo. Yee wo sòrogo sòrogo nugo ki wa dan wu ni. 9 Yʼi yi wo myɛ saraga ki bɛ tɔnhɔ sìnmɛ ni yi fara yi na. Nupepinŋɛ ki ɲɛ farini myɛ kiloo gbarashɛɛrɛ, dubyapoo wu ɲɛ farini myɛ kiloo gbaara, 10 yee nigin dubyapepinŋɛ ka bɛɛri ɲɛ farini myɛ kiloo taanri. 11 Yʼi sikapoo nigin bɛ wolo yi pye jurumu yafa saraga. Yee saraya ye bɛɛri na ba wolo na fara jurumu yafa wo saraga kiyɛ pyaa na, kee kemu ki ma wolo jurumu yafa wu wuu na jurumu yafa wu caŋa ge, na fara ɲiga bɛɛri wo saraga nizogoŋɔ ke ni ki myɛ saraga ki na, na yi bɛɛri wo duvɛn saraga niwoŋɔ ki fara yi na.»
Saraga kemu kʼa yaa na wo buguloo pu wo kalenɛ li ni ge
12 «Ayiwa, yee li yeŋɛ gbarashuun wogo ki caŋa kɛ ni kaguro wogo ke, yi bɛɛri di ba fɛfɛɛrɛ binnɛgɛ ka pye kee caŋa. Yʼi yi wo kapyeŋɛɛ ki yereŋɛ kee caŋa. Yʼi cabyaa gbarashuun kalenɛ pye Tɛhɛnɛ Baa Kilɛ mɛgɛ na.
13 Lee kalenɛ li wo cazhiige ki na, yʼi nupepinyɛ kɛ ni taanri, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu, yemu yi ɲɛ fɛ baa ge. Yee wo sòrogo sòrogo nugo ki wa dan Tɛhɛnɛ Baa Kilɛ ni. 14 Yʼi yi wo myɛ saraga ki bɛ tɔnhɔ sìnmɛ ni yi fara yi na. Nupepinŋɛ ka bɛɛri wo myɛ saraga ki ɲɛ farini myɛ kiloo gbarashɛɛrɛ, dubyapoo wa bɛɛri ɲɛ farini myɛ kiloo gbaara, 15 yee nigin dubyapepinŋɛ ka bɛɛri ɲɛ farini myɛ kiloo taanri. 16 Yʼi sikapoo nigin bɛ wolo yi pye jurumu yafa saraga. Yee saraya ye bɛɛri na ba wolo na fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
17 Caŋa shuun wogo ki na, yʼi nupepinyɛ kɛ ni shuun, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 18 Nupepinyɛ yi fara dubyapee pee ni dubyapepinyɛ yi na, yʼi yi bɛɛri wo myɛ saraga, ni yi duvɛn saraga niwoŋɔ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 19 Yʼi sikapoo nigin bɛ wolo yi pye jurumu yafa saraga. Yee bɛɛri di fara ɲiga bɛɛri wo saraga nizogoŋɔ ke ni ki myɛ saraga, ni ki duvɛn saraga niwoŋɔ ki na.
20 Caŋa taanri wogo ki na, yʼi nupepinyɛ kɛ ni nigin, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 21 Yʼi yi myɛ saraga, ni yi duvɛn saraga niwoŋɔ ki bɛ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 22 Yʼi sikapoo nigin bɛ wolo yi pye jurumu yafa saraga. Yee bɛɛri di fara ɲiga bɛɛri wo saraga nizogoŋɔ ke ni ki myɛ saraga, ni ki duvɛn saraga niwoŋɔ ki na.
23 Caŋa shishɛɛrɛ wogo ki na, yʼi nupepinyɛ kɛ, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 24 Yʼi yi myɛ saraga ni yi duvɛn saraga niwoŋɔ ki bɛ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 25 Yʼi sikapoo nigin bɛ wolo yi pye jurumu yafa saraga. Yee bɛɛri di ba fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
26 Caŋa kaguro wogo ki na, yʼi nupepinyɛ gbarashɛɛrɛ, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 27 Yʼi yi myɛ saraga, ni yi duvɛn saraga niwoŋɔ ki bɛ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 28 Yʼi sikapoo nigin bɛ wolo yi pye jurumu yafa saraga. Yee bɛɛri di ba fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
29 Caŋa gbaara wogo ki na, yʼi nupepinyɛ gbarataanri, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 30 Yʼi yi myɛ saraga, ni yi duvɛn saraga niwoŋɔ ki bɛ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 31 Yʼi sikapoo nigin bɛ wolo yi pye jurumu yafa saraga. Yee bɛɛri di ba fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
32 Caŋa gbarashuun wogo ki na, yʼi nupepinyɛ gbarashuun, ni dubyapee shuun, ni yee nigin dubyapepinyɛ kɛ ni shishɛɛrɛ wolo pye saraya nizogoyo Tɛhɛnɛ Baa Kilɛ mu. Yi bɛɛri di bye fɛ baa woyo. 33 Yʼi yi myɛ saraga, ni yi duvɛn saraga niwoŋɔ ki bɛ taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 34 Yʼi sikapoo nigin bɛ wolo yi pye jurumu yafa saraga. Yee bɛɛri di ba fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
35 Caŋa gbarataanri wogo ki na, yi bɛɛri di ba fɛfɛɛrɛ binnɛgɛ ka pye kee caŋa, yʼi kalenɛ nigbɔɔ pye. Yʼi yi wo kapyeŋɛɛ ki yereŋɛ. 36 Yʼi nupepinŋɛ nigin, ni dubyapoo, ni yee nigin dubyapepinyɛ gbarashuun wolo pye saraga nizogoŋɔ Tɛhɛnɛ Baa Kilɛ mu. Yi bɛɛri di bye fɛ baa woyo. 37 Nupepinŋɛ ki fara dubyapoo wu na, ni dubyapepinyɛ yi ni, yʼi yi bɛɛri wo myɛ saraga, ni yi duvɛn saraga niwoŋɔ ki taha yi na, na saha ni yi tuuyo ye, ni yi ɲɔ ke, ni yi kodorogoo ki ni. 38 Yʼi sikapoo nigin bɛ wolo yi pye jurumu yafa saraga. Yee bɛɛri di ba fara ɲiga bɛɛri wo saraga nizogoŋɔ ke, ni ki myɛ saraga ke, ni ki duvɛn saraga niwoŋɔ ki na.
39 Ayiwa, yʼa yaa na saraya yemu wo Tɛhɛnɛ Baa Kilɛ mu yi wo kaleŋɛɛ ki ni ge, yee yi wa ye. Yee na ba fara yee wo ɲɔfaaya yi wo saraya ye, ni daan na mu wo saraya ye, ni yi wo saraya nizogoyo ye, ni myɛ saraya ye, ni duvɛn saraya niwoyo ye, ni ɲaɲiŋɛ saraya yi na.»