Surano
Petrus
da ko'orua
Pobetekino Gau
Die surano i Petrus da ko'orua nta lako'ano hai miano mparasaea, sawali nai mentee hai hapa dahando, ntada'a hai Propinsi Asia kana miano da ari tarimaa surano Petrus da meri'ou (ontoo 3:1). Patuduno i Petrus kai poburi die sura hai miano mparasaea kando tora nunu'o po'eheno Apu Alla (1:3), ronga morodo nunu'o koie pompotisu da menona da ari pinepopotisu'akondo (1:12), yahoo pompotisu da pinokodungkudo miano da ari ontoo ronga modeaho hi daa mompotisu koie i Yesus.
Kai pokompehawa'ira kando dagai'ira kanabi-nabii ronga kaguru-guru da mongkarangiakondo kule kando pokomporehira (2:3). Ko'ira kaguru-guru dahira nta nihukuma tendenomo niweweundo da mosa'o (2:1-22).
Kanahindo ko'ira kaguru-guru, nai paisa nta leu mbule koie Apu Yesus, kana'umpe mengkau to'uomo, sawali « luwuo dada'iaasi kana isono wita'ea da'a » (3:4). Kanahino Petrus, sababuno kai mengkau, hinangkua posabarakino Apu Alla ko'ira miano ngkodosa, kai daa wotudo kando mentoba mebinta hai niweweu ntesalado (3:9). Perumbuino ki leu nde'e Apu Yesus, yahopo kai daa nta lono wita'ea (3:10).
Ihino sura
1. Salamu (1:1-2).
2. Oliwi kato tianiakono'o imaninto sipa da moico (1:3-11).
3. Lele da pinokodungkudo nabii mekona hai kuasano Kristus (1:12-21).
4. Oliwi kato dagai'ira kanabi-nabii ronga kaguru-guru (2:1-22).
5. Nta leuhano mbule Apu Yesus (3:1-18).