AGO DOꞌ LUK INAYUD
LUKAS
FUN BALA
Dokter Lukas, rat fufu beken ratnan Yahudi tinganak, deiꞌ Antiokhia, Siria atau Filipi. Ieh menu nan Tuhan Yesus idih inéꞌ ku rurum doꞌ rasul Paulus bang kekemenneh (Kis. 1:1; Kol. 4:14; 2Tim. 2:11; Flm. 1:24). Ieh nemacaꞌ luk inayud idih neninger luk bidaꞌ ku bala luk nangun arangdeh. Sefengeh nengelio doꞌ-doꞌ emung bala ineh rat fun-funneh, ieh nengayud Ago Doꞌ kuan lun rayeh Théofilus felé ieh keliꞌ luk metu rat nan bala ineh (Luk. 1:1-4). Ieh nengayud Ago inih deiꞌ Roma lak 59-63 felé ngegalaꞌ ku Yesus, Lun Ngulun, finjaniꞌ Allah kuan fufu Israél idih fufu beken teh. Ayat amasneh ngegalaꞌ doꞌ-doꞌ ku Yesus, Anak Lemulun, nakap idih muit lemulun rat nan ukum salaꞌ (Luk. 19:10).
“Ago Doꞌ luk Inayud Lukas” ngegalaꞌ ulun Yesus rat fun inéꞌ ku Anak Lemulun mecing Ieh nekemikit inéꞌ Surga, kekemen idih badaꞌ-Neh. Tudaꞌ-tudaꞌ bala luk na idih bang Matius, Markus, idih Yohanés, yeineh: Maria Ngubur Allah, Nani Malaikat, Ikak Waꞌ Gembala Domba, Yesus bang Rumaꞌ Allah Kereb Ieh Isut, Lun Samaria luk Mekatu Niat, Anak luk Neraruh, Lun Kaya idih Lazarus luk Masiꞌ, Zakhéus, idih luk beken teh.
Ago Doꞌ luk inayud bang buku inih yeineh,
Fingimun (Luk. 1:1-4)
Ecing Yesus (Luk. 1:5-2:52)
Tinaꞌ Ku Kekemen Yesus (Luk. 3:1-4:13)
Kekemen Yesus deiꞌ Galiléa (Luk. 4:14-9:50)
Kekemen Yesus deiꞌ Yudéa (Luk. 9:51-13:21)
Kekemen Yesus deiꞌ Peréa idih Sekelibutneh (Luk. 13:22-19:27)
Eco-eco Kekifed Yesus (Luk. 19:28-24:53)