Lanta pesomba
27
TUPU nanguli ka i Musa, “Poviamo lanta pesomba rapoporara bo rarindi dopi lako ri kayu akasia. Poviamo lanta pesomba haitu mosulapa ampa, ndatena bo pekana simbo rometere ropulu sentia (2,20) bo langana sametere talupulu senti b(1,30). 2 Pasuna pata-mpasu kana rapovia mpo tandu bo rapakasangu nte lanta. Njumangu lanta kana ratapiki gala. 3 Poviamo sero, loya, potosu bau, pomboli avu, bo pomboli ruti. Pura-pura gana haitu muni kana rapovia lako ri gala. 4-5 Poviamo kawa gala nisua, bo poviamo polava nu lanta. Patakamo kawa nisua haitu ri tambe mpolava ala langa nu kawa haitu matepasantanga ante kalanga nu lanta haitu. Patakamo ampa ponto nipovia dako ri gala ri pasuna pata-mpasu ri pompataka kawa nisua pangane raposuaraka kayu pokova. 6 Poviamo kayu pokova lako ri kayu akasia bo ratapiki gala, 7 bo suaraka riara ponto-ponto ntimali-mali tempo mombakova lanta haitu. 8 Poviamo lanta pesomba rapoporara bo rarindi nte dopi nangoseaka anu nipopakitaKu ka iko ri bavo bulu.Vala ka Doyata Tenda nTUPU
9-11 Poviamo kae povombo rapovala ntiku-ntiku ri doyata nTendaKu. Povombo haitu rapovia lako ri kae linen nalusu. Ri bagia puluna bo tasina, kandate povombo haitu patapulu pata meterec (44), bo raloe ri ropulu tinja nipovia lako ri gala. Tinja haitu ratande ri potande nipovia lako ri gala muni. Pekaina bo polondona rapovia lako ri salaka.
12 Ri sabingga mpanauna bo pandakena, kandatena ropulu rometered. Ri sabingga mpanauna povombona niloe ri sapulu tinja anu nitande ri potande nipovia lako ri gala. 13 Ri bagia mpandakena naria bobaana. 14-15 Ri njidi-nggana nu bobaa haitu kana rapataka povombo ri tatalu tinja ntimali-mali anu nitande ri potande nipovia lako ri gala. Kandate nu povombo haitu simbo aono metere onopulu sentie (6,60).
16 Ri bobaa haitu kana rapataka povombo sasio metere kandatenaf lako ri kae linen nalusu anu nitanu ante bana gavu, nakamao bo nalei, bo rarambaki ante posuji. Kana rapovia ampa tinja bo ampa muni potandena ala povombo bobaa mamala raloe. 17 Pura-pura tinja ri doyata haitu kana rapasidai ante tinja ntanina ante polondo salaka. Pekaina kana rapovia lako ri salaka bo potandena kana rapovia lako ri gala. 18 Povombo ri ntiku-ntiku doyata haitu, kandatena patapulu bo pata metere g(44) bo luona ropulu bo rometere (22), kalangana rometere ropulu sentih (2,20). Povombona kana rapovia lako ri kae linen nalusu bo potandena kana rapovia lako ri gala. 19 Pura-pura gana nipake riara doyata nTenda, panto-panto nipake ri Tenda bo ri doyata nTenda kana rapovia lako ri gala.”
Pompasiayu poindo
Imamat 24:1-4
20 TUPU nanguli ka i Musa, “Tudumo toIsrael manggeni lana zaitun tobelona anu ledo ria galona rapolana mpoindo riara nTendaKu ala mavaya njuu. 21 I Harun bo ana-anana kana mompasiayu poindo haitu lako ri nggoviana sampe mpadondona ri ponturoKu, ri savaliku povombo polenduti anu niloe ri ngayo Peti Pojanji. Parenta haitu kana rapovia ntoIsrael bo muli-mulira sampe ri kasae-saena.”